मुख्यमंत्री ह प्राचीन देऊर मंदिर म दर्शन कर के प्रदेशवासी मन के सुख समृद्धि के करिन कामना

बालोद, मुख्यमंत्री श्री भूपेश बघेल ह बालोद जिला म तीसर दिन के अपन भेंट मुलाकात कार्यक्रम के शुरुआत प्राचीन देऊर मंदिर म दर्शन करके करिन। मुख्यमंत्री ह गुरुर के देऊर मंदिर म भगवान शिव के प्राचीन शिवलिंग के पूरा विधि विधान ले पूजा अर्चना करके प्रदेशवासी मन के सुख समृद्धि के मंगल कामना करिन। मुख्यमंत्री ह भगवान कालभैरव अऊ नाग देवता के मंत्रोच्चार के बीच देऊर मंदिर म पूजा करिन। मुख्यमंत्री ह देऊर मंदिर के प्रांगण म रुद्राक्ष के पौधा के घलोक रोपण करिन। देऊर मंदिर परिसर म स्थित श्री महाकालेश्वर मंदिर के घलोक मुख्यमंत्री ह दर्शन करिन। मुख्यमंत्री ह मंदिर के पुजारी मन ल उपहार घलोक भेंट करिन।