रायपुर, 10 जून 2020/ मुख्यमंत्री श्री भूपेश बघेल ह आज अपन निवास कार्यालय ले वीडियो कांफ्रेंसिंग के माध्यम ले जिला मन म शासकीय योजना अउ कार्यक्रम मन स्थिति के समीक्षा करिन। शासन के सर्वोच्च प्राथमिकता वाले सुराजी गांव योजना के समीक्षा करत मुख्यमंत्री श्री भूपेश बघेल ह कलेक्टर मन ल गौठान मन ल आय मूलक गतिविधि मन के केन्द्र के रूप म विकसित करे के निर्देश दीन। राज्य म ए योजना के तहत नरवा के उपचार के स्थिति के घलोक उमन जानकारी लीन।
मुख्यमंत्री ह कहिन के भू-जल स्तर ल बेहतर बनाए के संगेच खेती किसानी ल समृद्ध बनाए बर नरवा मन म बोहात पानी ल रोकना जरूरी हे। उमन नरवा मन के उपचार के काम ल प्राथमिकता ले कराए के निर्देश दीन।
