मोहला : अंधियारी छटिस, जीवन म आइस अंजोरी, विकसित भारत संकल्प यात्रा बनिस सहारा

-जिला के 8 ग्राम पंचायत मन म होइस विकसित भारत संकल्प यात्रा शिविर के आयोजन
मोहला 23 दिसंबर 2023। जनता के जरूरत मन ल पूरा करे अऊ उंखर दैनिक जीवन यापन ल सहज बनाए के उद्देश्य ले विकसित भारत संकल्प यात्रा के आयोजन करे जात हे। विकसित भारत संकल्प यात्रा शिविर के आयोजन होए ले ग्रामीण जन के जीवन म बदलाव देखे ल मिलत हे। ये यात्रा के सुचारू रूप ले संचालन अऊ क्रियान्वयन होए ले जनता मन के जीवन म छाए अंधियारी छटत हे, अऊ जीवन म नवा अंजोरी आवत हे। आज जिला के 8 ग्राम पंचायत मन म विकसित भारत संकल्प यात्रा शिविर के आयोजन करे गीस।
विकास खंड अंबागढ़ चौकी के ग्राम पंचायत आतरगॉव, चिखली, माहुद-मचांदुर व सोनसायटोला म शिविर के आयोजन करे गीस। अइसनहे विकासखंड मानपुर के ग्राम पंचायत कंदाड़ी अउर हलोरा म, विकास खंड मोहला के ग्राम पंचायत मड़ीयानवाड़वी म अउर सांगली म शिविर के आयोजन करे गीस। शिविर म कई ठन विभाग मन के जिला अउर विकासखंड स्तर के अधिकारी उपस्थित रहिन। शिविर म कई ठन योजना मन के अंतर्गत हितग्राही मन ल लाभान्वित करे गीस। शिविर म अधिकारी मन ह नागरिक मन के जरूरत, समस्या, मांग मन ल सुने के संग ही नियमानुसार कार्यवाही करिन। कई ठन योजना के अंतर्गत हितग्राही मन ल लाभान्वित करे गीस। शिविर म स्वास्थ्य परीक्षण, आधार अपडेशन, विश्वकर्मा योजना अंतर्गत पंजीयन करे गीस। कई ठन योजना मन ले लाभान्वित हितग्राही मन ह मेरी जुबानी मेरी कहानी के माध्यम ले योजना ले मिले लाभ अऊ ऊंखर जीवन म आये बदलाव के संबंध म जानकारी दीन। एलसीडी प्रोजेक्टर वैन के माध्यम ले केंद्र सरकार के जनकल्याणकारी नीति, योजना, सेवा अऊ कार्यक्रम मन के जानकारी प्रदर्शित करे गीस। माटी कहे पुकार के माध्यम ले स्कूली छात्र-छात्रा मन ह नुक्कड़ नाटक के माध्यम ले धरती के सुरक्षा करे अऊ जैविक खेती ल बढ़ावा देहे के प्रस्तुति दीन। विकसित भारत संकल्प यात्रा ग्रामीणजन बर कारगार साबित होवत हे। विकसित भारत संकल्प यात्रा के अंतर्गत क्विज प्रतियोगिता के भाग लेवईया मन ल पुरस्कृत घलो करे गीस।
विकसित भारत संकल्प यात्रा के जिला नोडल अधिकारी श्री हेमंत ठाकुर, जिला अउ विकासखंड स्तर के अधिकारी उपस्थित रहिके हितग्राही मन ल योजना मन ले लाभान्वित कराईन। मोहला अंतर्गत आयोजित शिविर म जनपद पंचायत के मुख्य कार्यपालन अधिकारी सुश्री कंचना वाल्दे, मानपुर अंतर्गत आयोजित शिविर म अनुविभागीय अधिकारी राजस्व श्री अमित नाथ योगी, जनपद पंचायत के मुख्य कार्यपालन अधिकारी श्री मोहम्मद हनीश खान, अंबागढ़ चौकी अंतर्गत आयोजित शिविर म जनपद पंचायत के मुख्य कार्यपालन अधिकारी श्रीमती प्रियवंदा रामटेके संग जिला अउ विकासखंड स्तर के कई ठन विभाग मन के अधिकारीगण उपस्थित रहिन।