केन्द्र सरकार के कई ठन योजना मन ले लाभान्वित होवत हें ग्रामवासी
मेरी कहानी-मेरी जुबानी ले लाभार्थी बतावत हें अपन कहानी
रायगढ़, 23 दिसम्बर2023। मोदी के गारंटी वाले डिजीटल रथ गांव-गांव पहुंचके गांव के जनता ल लाभान्वित करत हे। ये एक अइसन रथ ये जेमां केन्द्र सरकार के कई ठन योजना मन के जानकारी मनखे मन ल मिलत हे। काली धरमजयगढ़ विकासखण्ड के ग्राम-बाकारूमा अउर चरखापारा, घरघोड़ा के ग्राम-कुर्मीभौना अउर पोरडा, रायगढ़ के बनोरा अउर सकरबोगा अऊ तमनार के आमाघाट अउर गोढ़ी म डिजीटल रथ पहुंचके गांव वाले मन ल शासकीय योजना के जानकारी दीस।
कार्यक्रम जिहां होइस उहां कई ठन विभाग मन कोति ले आम जनता ल शासन के जनकल्याणकारी योजना मन के जानकारी देहे बर स्टॉल घलोक लगाए गए रहिस। जेमां संबंधित विभाग के अधिकारी मन आम जनता ल योजना मन के संबंध म परखर जानकारी दीन अऊ ओखर लाभ उठाए खातिर जनता ल प्रेरित करिन। कार्यक्रम स्थल म स्वास्थ्य विभाग के टीम कोति ले आम मनखे मन के स्वास्थ्य परीक्षण करके नि:शुल्क दवइ घलोक बांटे गीस। ये बेरा म केन्द्र सरकार के कई ठन जनकल्याणकारी योजना मन के लाभार्थी मन ल समान तको बांटे गीस। प्रधानमंत्री श्री मोदी के गारंटी के मुताबिक प्रदेश के मुख्यमंत्री श्री विष्णु देव साय ह 18 लाख गरीब मन ल प्रधानमंत्री आवास योजना के लाभ देहे के काम के शुरूआत कर देहे हें। सबो बुनियादी तजरूररत मन ल पूरा करे खातिर मोदी सरकार कोति ले पानी, शौचालय, सड़क स्वास्थ्य आदि के व्यवस्था ठउका करे जात हे। मोदी जी के सपना हे के हर गरीब के उन्नति अऊ प्रगति होवय, हरके गांव के विकास होवय ते पाए के ये काम करे जात हे।
पूनम ह बताइस कि केन्द्र सरकार के योजना ले घर म बनिस शौचालय
मेरी कहानी-मेरी जुबानी के माध्यम ले शिविर म पहुंचे ग्राम आमाघाट निवासी श्रीमती पूनम खलखो ह बताइस के स्वच्छ भारत मिशन अंतर्गत वोखर घर म शौचालय बनाए गए हे। वो ह बताइस के खुला म शौच जाय ले बहुत दिक्कत होत रहिस, एखर संगेच सुरक्षा के दृष्टि ले सांप, बिच्छू, कीरा-मकोरा मनके डर बने रहत रहिस। अब घर म शौचालय बन जाय ले ये समस्या दूर हो गे हे। वो ह प्रधानमंत्री श्री नरेंद्र मोदी ल योजना के संचालन अंतर्गत घर मन म शौचालन बनवाए बर धन्यवाद दीस।
जिला के ए गांव मन म आज पहुंचही विकसित भारत संकल्प यात्रा के डिजीटल रथ
विकसित भारत संकल्प यात्रा के डिजीटल रथ आज 23 दिसम्बर के जिला के ए गांव मन म पहुंचही। जिहां केंद्र सरकार के कई ठन योजना मन के संबंध म मनखे मन ल जानकारी देहे जाही। एमां विकासखण्ड रायगढ़ के ग्राम-छुहीपाली अउर कुकुर्दा अउर वि.ख.कचकोबा अउर कसडोल सामिल हे।
