धनोरा के रतो बाई ल विशेष परियोजना ले मिलीस पक्का घर
कोंडागांव, छत्तीसगढ़ रजत महोत्सव साल म कोंडागांव जिला के केशकाल विकासखंड के ग्राम पंचायत धनोरा के रतो बाई के जीवन म प्रधानमंत्री आवास योजना (ग्रामीण) ह देवारी तिहार के पहिली नवा अंजोर लाए हे। दुरिहा जंगल कोतिके रहवईया अनुसूचित जनजाति वर्ग के महिला नक्सल हिंसा ले पीड़ित रती बाई ल केंद्रीय गृह मंत्री श्री अमित शाह अऊ छत्तीसगढ़ के मुख्यमंत्री श्री विष्णु देव साय के अगुवई म चलत ए महत्वाकांक्षी योजना के तहत एक विशेष परियोजना के माध्यम ले पक्का घर मिले हे।
रतो बाई ल योजना के तहत 1.20 लाख रूपिया के अनुदान स्वीकृत करे गए रहिस। ए योजना के एक उल्लेखनीय विशेषता ये घलोक हे घर बनवाए खातिर ओ ल मनरेगा के तहत 90 दिन के रोजी-मजदूरी 23490 रूपिया घलोक मिलीस। ये सहयोग रत्तो बाई बर एक महत्वपूर्ण संबल साबित होइस। जीविकोपार्जन खातिर रतो बाई सब्जी बेचे के काम करथे। शासन के ए महत्वाकांक्षी योजना के संगेच रतो बाई ल महतारी वंदन योजना, उज्ज्वला योजना, नल जल योजना सौभाग्य योजना, शौचालय जइसे मूलभूत जरूरत ल पूरा करइया योजना मन के लाभ घलोक मिलीस। ये विशेष परियोजना नक्सल हिंसा ले प्रभावित वर्ग के कल्याण बर सरकार के संवेदनशीलता ल दर्शाथे। एकर उद्देश्य अइसन परिवार मन ल समाज के मुख्यधारा ले जोड़ना अऊ ओ मन ल सुरक्षित अऊ सम्मानजनक जीवन जीए के अवसर देना हे।
ए पक्का घर मिले ले ओ ल एक सुरक्षित ठिकाना मिले हे अऊ वोखर कइ बछर जुन्ना चिंता ह दूर हो गए हे। ये सफलता ए बात के प्रमाण हे के केंद्र अऊ राज्य सरकार के योजना मन के क्रियान्वयन कइसे आखरी मनखे तक पहुँचके ओखर जीवन म सकारात्मक बदलाव लावत हे। ये योजना मनखे मन ल पक्का मकान उपलब्ध करात हे, संगेच ओ मन ल रोजगार, सुरक्षा अऊ सम्मान के संग जीवन जीए के अधिकार घलोक ठउका करत हे।