रायपुर, 19 जून 2024। उप मुख्यमंत्री अउ नगरीय प्रशासन अउ विकास मंत्री श्री अरुण साव ह काली मंत्रालय म विभागीय कामकाज के समीक्षा करिन। उमन कई ठन विभागीय योजना मन के प्रगति के समीक्षा करत काम मन म तेजी लाय के निर्देश दीन। उमन अवइया बारिश के मौसम ल देखत सबो नगरीय निकाय मन म नाला-नाली मन के सफाई बरसात के पहिली ठएका करे ल कहिन। उमन जिला मुख्यालय ले संभागीय मुख्यालय आए-जाए बर सुलभ पब्लिक ट्रांसपोर्ट के कार्ययोजना तैयार करे के घलोक निर्देश दीन।
उप मुख्यमंत्री श्री अरुण साव ह नगरीय प्रशासन विभाग के वरिष्ठ अधिकारी मन के संग बैठक करके सूडा (SUDA) अऊ विभाग कोति ले करे जात काम मन के समीक्षा करिन अऊ जरूरी निर्देश दीन। उमन नगरीय निकाय मन के काम मन म कसावट लाय ल कहिन। उमन काम म ढिलाई अऊ लापरवाही बरतइया अधिकारी मन के जिम्मेदारी तय करके कड़ा कार्रवाई करे के निर्देश दीन। उमन कहिन कि विभाग के काम मन के फील्ड म परिणाम दिखना चाही। नागरिक मन ल जादा ले जादा सुविधा मुहैया कराए म नगरीय निकाय के गंभीरता अऊ सक्रियता दिखना चाही। उमन कड़क शब्द म कहिन कि लोकसभा आम निर्वाचन बर लागू आदर्श आचार संहिता के कारण काम मन म जऊन सुस्ती अऊ धीमापन आ गए रहिस, ओला तुरंत खतम करके काम मन म तेजी लावव। जिहां काम बंद हे या चालू नइ हे, उहां तुरंते काम शुरू कराव।
श्री साव ह समीक्षा बैठक म सबो नगरीय निकाय के सुव्यवस्थित अऊ योजनाबद्ध विकास बर सिटी डेवलपमेंट प्लान तैयार करे ल कहिन। उमन विभागीय अधिकारी मन ल सबो निकाय म डेवलपमेंट प्लान के मुताबिक ही विकास अऊ जन सुविधा विकसित करे के काम स्वीकृत करे के निर्देश दीन। श्री साव ह शहरी क्षेत्र मन म प्रधानमंत्री आवास योजना के संगेच अफोर्डेबल हाउसिंग (Affordable Housing) के कई ठन योजना मन के प्रगति के समीक्षा करिन। उमन ए योजना मन के काम पूर्ण गुणवत्ता के संग समय-सीमा म पूरा करे ल कहिन। उमन हाउसिंग परियोजना मन म जिओ-टेगिंग के ऑडिट कराए ल घलोक कहिन।
श्री साव ह बैठक म नगरीय प्रशासन विभाग के योजना मन के भौतिक अऊ वित्तीय प्रगति के समीक्षा करिन। उमन नगरीय निकाय ल उपलब्ध कराए जात 15वां वित्त आयोग के राशि के सदुपयोग सुनिश्चित करे पुख्ता सिसटम बनाए ल कहिन। श्री साव ह प्रदेश भर के नगरीय निकाय म कार्यरत अभियंता मन के कुशलता अऊ दक्षता बढ़ाय कार्यशाला आयोजित करे के निर्देश दीन। उमन नगरीय निकाय म आम निर्वाचन बर वार्ड मन के परिसीमन के काम 18 जुलाई तक पूरा करे ल कहिन जेखर से कि आरक्षण प्रक्रिया अऊ मतदाता सूची तैयार करे के काम समय म चालू करे जा सकय।
श्री साव ह मुख्यमंत्री स्लम स्वास्थ्य योजना, श्री धन्वंतरी जेनेरिक मेडिकल स्टोर्स, अमृत मिशन, गौरव रस्ता निर्माण अऊ संपत्ति कर संग्रहण के समीक्षा करिन। बैठक म नगर पंचायत मन के नगर पालिका मन म अऊ नगर पालिका मन के नगर निगम म उन्नयन उपर घलोक चर्चा होइस। नगरीय प्रशासन अउ विकास विभाग के सचिव डॉ. बसवराजु एस., संचालक श्री कुंदन कुमार, सूडा के सीईओ श्री शशांक पाण्डेय, अपर संचालक श्री पुलक भट्टाचार्य अऊ संयुक्त संचालक श्री एस.के. सुंदरानी घलोक समीक्षा बैठक म मौजूद रहिन।
