230 गांव मन के 22550 हितग्राही मन ल मिलही लाभ
रायपुर, 13 मार्च 2020। उच्च शिक्षा मंत्री श्री उमेश पटेल के विशेष उपस्थिति म एकीकृत आदिवासी विकास परियोजना मण्डल धरमजयगढ़ के परियोजना सलाहकार मण्डल के बैठक म साल 2019-20 म सात करोड़ 22 लाख रूपिया के विकास कार्य मन के अनुमोदन करे गीस। ए कार्य मन ले 230 गांव मन के 22 हजार 500 ले जादा हितग्राही मन ल कई ठन सुविधा मन के लाभ मिलही।
बैठक म उच्च शिक्षा मंत्री श्री पटेल ह विशेष केन्द्रीय सहायता अउ केन्द्रीय क्षेत्रीय योजनान्तर्गत पउर साल के स्वीकृत काम मन म ले अधूरा काम मन के समीक्षा करके अधूरा कार्य ल लउहे पूरा करे के निर्देश दीन। उमन बैठक म परियोजना के तहत अनुसूचित जनजाति मन के विकास बर स्वीकृत कई काम मन के प्रगति के समीक्षा घलोक करिन। ये बेरा म एकीकृत आदिवासी परियोजना धरमजयगढ़ के परियोजना सलाहकार मण्डल के अध्यक्ष श्री लालजीत सिंह राठिया, विधायक श्री चक्रधर सिंह सिदार अऊ जिला पंचायत अध्यक्ष श्री निराकार पटेल संग विभागीय अधिकारी मौजूद रहिन। सलाहकार मण्डल के बैठक रायगढ़ के कलेक्टोरेट सभाकक्ष म आयोजित करे गीस। बैठक म कई ठन क्रियान्वयन एजेंसी मन ले मिले प्रस्ताव मन के मुताबिक साल 2020-21 बर कार्ययोजना के अनुमोदन करे गीस।
