कोरिया 11 सितमबर 2024। आज जिला के 104 श्रद्धालु श्री रामलला दर्शन बर अयोध्या धाम बर रवाना होइन। कलेक्ट्रेट परिसर ले कलेक्टर श्रीमती चन्दन त्रिपाठी ह हरी झंडी देखा के श्रद्धालु मन ल सफल यात्रा के शुभकामना देवत बस ल रवाना करिन।
श्रद्धालु श्री राम लला के दर्शन बर अड़बड़ उत्साहित नजर आइन। उहें सबो तीर्थ यात्री मन ह श्रीरामलला के दर्शन योजना ल सहरावत मुख्यमंत्री श्री विष्णुदेव साय ल धन्यवाद दीन अउ जय श्रीराम के उदघोष के संग भिनसरहा करीब 10 बजे दू बस अंबिकापुर रेलवे स्टेशन बर रवाना होइस, जहां ले ओ मन विशेष ट्रेन से अयोध्या धाम पहुंचहीं।
श्री रामलला दर्शन (अयोध्या धाम) यात्रा योजना 2024 के तहत जिला के आज ये चौथा चरण रहिस। आज के यात्रा म बैकुंठपुर अउ सोनहत विकासखण्ड ले कुल 104 श्रद्धालु सामिल हे।
बस ल हरी झंडी देखाय के बेरा म बड़ संख्या म यात्री मन के परिजन अऊ कई ठन विभाग मन के अधिकारी अउ कर्मचारी उपस्थित रहिन। सबो मन ह श्रद्धालु मन ल सुखद यात्रा बर शुभकामना दीन।