- मुख्यमंत्री अऊ गृहमंत्री सामिल होइन भक्त माता राजिम जयंती महोत्सव म
- मेला स्थल म भव्य भवन राजिम माता के नाम ले बनही
रायपुर, मुख्यमंत्री श्री भूपेश बघेल ह कहिन कि भक्त राजिम माता के आशीर्वाद ले साहू समाज ह अपन मेहनत अऊ त्याग ले समाज ल संगठित करिन, आज वो समाज शिक्षा, कृषि अउ व्यवसाय संग सबो क्षेत्र मन म आगू बढ़त हे अऊ दूसर समाज घलोक उंखर अनुकरण करत हें। श्री बघेल आज गरियाबंद जिला के राजिम मेला स्थल म प्रदेश साहू संघ कोति ले आयोजित भक्त माता राजिम जयंती महोत्सव ल सम्बोधित करत रहिन। महोत्सव स्थल पहुंचके सबले पहिली मुख्यमंत्री श्री बघेल, गृह अउ जेल मंत्री श्री ताम्रध्वज साहू संग सबो अतिथि मन ह माता राजिम के पूजा-अर्चना अउ माल्यार्पण करके प्रदेश के सुख-समृद्धि के कामना करिन।
ये बेरा म विशाल स्वास्थ्य शिविर के आयोजन करे गए रहिस जेमा 100 ले जादा नागरिक मन ह रक्तदान करिन। कार्यक्रम म महासमुंद सांसद श्री चुन्नी लाल साहू, बिलासपुर सासंद श्री अरुण साव, पूर्व सांसद श्री चन्दूलाल साहू, श्री लखनलाल साहू, विधायक राजिम श्री अमितेश शुक्ल, खुज्जी विधायक श्रीमती छन्नी साहू, प्रदेश साहू संघ के अध्यक्ष अर्जुन हिरवानी, संरक्षक श्री विपिन साहू, रामलाल गुप्ता, पूर्व मंत्री श्रीमती रमशीला साहू अउ साहू समाज के पदाधिकारी संग आन प्रतिनिधि, सदस्य अऊ अड़बड़ झन म स्वजातीय बन्धु मौजूद रहिन।
