रायपुर, 12 अगस्त 2020। छत्तीसगढ़ म पुलिसकर्मी मन के विभागीय समस्या ल दूर करे बर डीजीपी डीएम अवस्थी प्रत्येक पुलिस कर्मचारी अउ उंखर परिजन मन ले रूबरू होही। डीजीपी डीएम अवस्थी ह मोबाइल नंबर जारी करके कहिन कि ये नंबर म कोनो भी पुलिसकर्मी अउ उंखर परिजन वीडियो कॉल करके अपन समस्या ले ओमन ल रूबरू करा सकही।
छत्तीसगढ़ पुलिस के अधिकारिक ट्विटर हैंडल म ये बारे म जानकारी सार्वजनिक करे गे हे। ट्विटर म करे गे पोस्ट म लिखे हे कि डीजीपी डीएम अवस्थी ले पुलिसकर्मी अउ उंखर परिजन समस्या मन ल लेके सीधा वीडियो कॉल के माध्यम ले रूबरू हो सकही।
ये सुविधा ल स्वतंत्रता दिवस ले शुरू करे जावत हे। ओमन अपन समस्या मन ले संबंधित जानकारी मोबाईल नंबर 9479194990 म वाट्सअप कर सकत हे।
