धमधा म घलोक सीजेरियन आपरेशन सुरू

-सामुदायिक स्वास्थ्य केंद्र पाटन, उतई अउ धमधा म सी-सेक्शन सुरू होए ले प्रसूता महिला मन ल मिलत हे सुविधा
-डीएमएफ के माध्यम ले स्वास्थ्य केंद्र मन ल अपग्रेड करे के मुहिम के नागरिक मन ल मिलत हे बेहतर लाभ
दुर्ग, 11 फरवरी 2021। सामुदायिक स्वास्थ्य केंद्र पाटन, उतई अऊ धमधा म सी-सेक्शन के सुरू होए ले प्रसूता महिला मन ल बने सुविधा मिलत हे। कोरोना के संक्रमण के आशंका ल देखत पाटन म कुछ समय बर सी-सेक्शन रोके गए रहिस जऊन ल फेर सुरू कर दे गए हे। बुधवार के ही पाटन के सामुदायिक स्वास्थ्य केंद्र म सी-सेक्शन के माध्यम ले नवजात शिशु के जन्म होइस। धमधा केंद्र म स्त्री रोग विशेषज्ञ आए ले प्रसूता महिला मन ल बनेच सुविधा हो गए हे। मंगलवार के इहां सी-सेक्शन के माध्यम ले नवजात शिशु के जन्म होइस। धमधा केंद्र म आपरेशन स्त्री रोग विशेषज्ञ डाॅ. दिशा ठाकुर अउ निश्चेतना विशेषज्ञ डाॅ. शीतल यादव ह करिस। खंड चिकित्सा अधिकारी डाॅ. डीपी ठाकुर ह बताइस के धमधा सामुदायिक केंद्र म मंगलवार के सीजेरियन आपरेशन होइस जिहां जज्चा-बच्चा स्वस्थ हे। स्त्री रोग विशेषज्ञ होए ले इहां अब अइसन आपरेशन म कोनो प्रकार के दिक्कत नइ होही। उतई केंद्र म घलोक 4 फरवरी ले अब तक 2 सीजेरियन आपरेशन होए हे। ये आपरेशन डाॅ. शुभ लक्ष्मी चौधरी ह करिन। पाटन केंद्र म कोरोना काल म कुछ समय बर एहतियातन सी-सेक्शन रोके के बाद अब फेर सुरू करे गए हे अऊ अब तक 7 सीजेरियन आपरेशन हो गे हे। बुधवार के डाॅ. कृष्ण कुमार डहरिया स्त्री रोग विशेषज्ञ अऊ निश्चेतना विशेषज्ञ डाॅ. अजय ठाकुर ह सी-सेक्शन करिस। ये संबंध म जानकारी देवत पाटन बीएमओ डाॅ. आशीष शर्मा ह बताइस कि सी-सेक्शन के संगेच ये केंद्र म बच्चादानी ले संबंधित सर्जरी अऊ सिस्ट ले संबंधित आपरेशन घलोक करे जात हे। आब्जर्वेशन के बने सुविधा केंद्र म हे। मल्टी पैरा मानिटर के माध्यम ले मरीज के स्वास्थ्य म लगातार बारीक नजर रखे जाथे। जेमां ब्लड के जरूरत होथे उहाँ ब्लड ट्रांसफ्यूजन करे जात हे। अब तक 16 अइसन मामला मन म ब्लड ट्रांसफ्यूजन करे गए हे। केंद्र म ब्लड स्टोरेज यूनिट ल स्वीकृति मिल गए हे। लायसेंस मिलतेच ये म काम घलव सुरू हो जाही। ये संबंध म जानकारी देवत मुख्य चिकित्सा अउ स्वास्थ्य अधिकारी डाॅ. गंभीर सिंह ठाकुर ह बताइए कि कलेक्टर डाॅ. सर्वेश्वर नरेंद्र भुरे के मार्गदर्शन म सामुदायिक स्वास्थ्य केंद्र मन ल बेहतर करे के काम सरलग जारी हे। ये मां अधोसंरचना म अउ मानव संसाधन के मामला मन म डीएमएफ के मदद लेहे जात हे। एखर से जिला म स्वास्थ्य सुविधा बेहतर हो गए हे। पाटन, उतई अऊ धमधा सामुदायिक स्वास्थ्य केंद्र मन म सीजेरियन होए ले प्रसूता महिला मन ल अड़बड़ आसानी होवत हे।
मोतियाबिंद आपरेशन घलोक सुरू- कोरोना महामारी के सेती मोतियाबिंद आपरेशन स्थगित करे गए रहिस। अब ए ल जनवरी ले फेर सुरू कर देहे गए हे। जिला चिकित्सालय म सोमवार, बुधवार अउ सुकरवार के अऊ सिविल अस्पताल सुपेल म बिरसपत के आपरेशन करे जात हे। जिला चिकित्सालय दुर्ग म अब तक 111 अऊ सुपेला म अब तक 12 आपरेशन हो गे हे।