धमतरी : तरक्की म अब नई बनय आर्थिक बाधा, छत्तीसगढ़ म बेरोजगारी भत्ता योजना बनिस युवा मन ब वरदान

1 लाख ले जादा युवा मन के मुख म हावय मुस्कान
पुस्तक अउ दूसर जिनिस बिसाये ब होवत हे मदद
धमतरी, 27 जुलाई 2023
छत्तीसगढ़ सरकार युवा मन के भविष्य ल धियान म राख के नवा नवा रस्ता खोलत हे, जेकर से युवा मन ल रोजगार मिलय, उमन के भविष्य उज्जवल होवय, युवा मन के हाथ म काम बुता रहय। ए सब ब भूपेश सरकार बेरोजगारी भत्ता चालू करे हे, जेकर से पढ़ई करोइया अउ नौकरी के तियारी म लगे युवा मन ल आर्थिक मदद मिल सकय। प्रदेश के ऐसे युवा जेमन के आर्थिक स्थिति बने नई होए के सेती उमन ह प्रतियोगी परीक्षा के तियारी के संग दूसर खरचा उठाए म परसानी होथे, ए योजना के तहत मिले राशि ले उमन ह अपन जरूरत पूरा करे सकत हे।
आघू के पढ़ई म अब नई आये बाधा-
बेरोजगारी भत्ता ल लेके धमतरी जिला के रूद्री के तिर के गांव बरारी के गजानंद ध्रुव ह कहिस कि मोर माता पिता पत्थर के खदान म रोजी मजदूरी करथे। मजदूरी कर के मोर बिहाव करिस हे। मै खुद किराया भंडार म बुता करथो। आघू के पढ़ई ब पईसा नई होए के सेती बाधा होवत रहिस हे। बेरोजगारी भत्ता मिले ले अब मै खुस हंव। पइसा ले मै पढ़ई ब कॉपी-पुस्तक बिसाथव अउ जे पईसा बाच जाथे ओकर घर ब समान घलो बिसा लाथव। मोर आघू के पढ़ई ब अब कोनो बाधा नई आवय।
Success story
Neha Rathore