धमतरी, छत्तीसगढ़ सासन के समाज कल्याण विभाग कोती ले चलाय जात अटल वयो अभ्युदय योजना के तहत जिला के 12 सियान नागरिक मन के मोतियाबिंद के सफल ऑपरेशन कराए गीस। जम्मो हितग्राही मन के मुफ़्त ऑपरेशन अखिल भारतीय आयुर्विज्ञान संस्थान (एम्स) रायपुर मा बड़े डॉक्टर मन ह आधुनिक तकनीक ले करिन। ऑपरेशन के बाद जम्मो के सेहत बढ़िया हे अउ उमन ल परखर दिखत हे।
समाज कल्याण विभाग कोती ले जांच, जरूरी कागजात, जाय-आये के साधन अउ तालमेल के पूरा बेवस्था करके चुने गे सियान मन ला एम्स रायपुर भेजे गीस। ऑपरेशन के बाद डॉक्टरी सलाह, दवाई अउ देख-रेख के घलो पक्का इंतजाम करे गए हे, ताकि उमन ला सरलग फायदा मिलत रहय।
कलेक्टर श्री अबिनाश मिश्रा ह अधिकारी मन ला निर्देश देहे हें के जिला के जम्मो विकासखंड मा विशेष सर्वे चला के जरूरतमंद सियन मन के पहिचान करे जाय। पात्र मन ला बखत मा योजना के लाभ देवाय के संग ऑपरेशन के बाद घलो उंकर मन के सुध लेहे जाय। उमन कहिन के अटल वयो अभ्युदय योजना सियन मन के मान-सम्मान, सुरक्षा अउ सेहत बर एक संवेदनसील अउ जरूरी कदम ए। प्रसासन के कोसिस हे के जिला के कोनो जरूरतमंद बुजुर्ग इलाज ले वंचित झन रहय।
योजना के लाभ पाय हितग्राही मन ह सासन-प्रसासन के आभार मानिन अउ कहिन के अब उमन ला साफ दिखत हे अउ रोज के काम बर उमन आत्मनिर्भर हो गे हें। बढ़िया दिखे ले ओकर मन के जिनगी मा नवा आसा अउ भरोसा जागे हे।
लाभ पवइया हितग्राही: ऑपरेशन ले लाभान्वित सियान मन मा श्री दुजराम साहू (बोडरा), श्री केशव यादव (डोमा), श्री राम कुमार कुर्रे (करेटा), श्री कार्तिक राम देवांगन (भटगांव), श्री ईश्वर चंद क्रिस्टी (जोधापुर), श्रीमती बिसाखा साहू (तरसींवा), श्री नरेश कुमार ध्रुव (नगरी), श्री नंद कुमार (पंडरीपानी), श्री महेन्द्र कुमार सोनी (डीहीपारा), श्री पुखराज देवांगन (नगरी), श्रीमती दुलारी बाई (सांकरा) अउ श्री झुमुक लाल (बकोरी) सामिल हें।
उप संचालक, समाज कल्याण विभाग ह जानकारी दीन के आगू घलो पात्र सियान मन के चिनहारी कर के मुफ़्त इलाज कराय जाही, ताकि उमन एक सुघर अउ सक्रिय जिनगी जी सकंय।