जनदर्शन म आवेदन: खाता म 12 घंटा के भीतर आ गे धान खरीदी के पइसा

धमतरी, किसान के कड़क मेहनत अऊ खून-पसीना के कीमत कहूं बेरा म मिल जाय त एखर कीमत अऊ बाढ़ जाथे। पोटियाडीह, धमतरी के किसान नवीन सिन्हाके ये कहना हे। किसान सिन्हा ह धान उपार्जन केन्द्र पोटियाडीह म 40 क्विंटल 40 क्विंटल सरना धान बेचे रहिस। वोखर 2.75 एकड़ के जमीन ले उपजे धान ल वो ह 28 नवम्बर 2022 के समर्थन मूल्य म बेचे रहिस, फेर वोखर उपज के कीमत 82 हजार 416 रूपिया वोखर बैंक खाता म नइ आइस। ए बात ल लेके ओ ह कलेक्टर जनदर्शन म अपन फरियाद सोमवार 13 फरवरी को करिस।
कलेक्टर श्री ऋतुराज रघुवंशी के निर्देश म नोडल अधिकारी, केन्द्रीय सहकारी बैंक ह तुरते संबंधित शाखा के मैनेजर ले बात करके तकनीकी गलती सुधारे ल कहिस। नतीजा ए होइस के 12 घंटा के भीतर सिन्हा के छत्तीसगढ़ राज्य ग्रामीण बैंक के खाता म धान खरीदी के पइसा 82 हजार 416 रूपिया आ गे। एखर से सिन्हा अड़बड़ खुश हो गे अऊ बकायदा प्रदेश के मुखिया श्री भूपेश बघेल के संवेदनशील नेतृत्व के सराहना करत जिला प्रशासन के तत्परता बर धन्यवाद दीस।