स्कूल भवन के कायाकल्प युद्धस्तर म जारी, कलेक्टर श्री ऋतुराज रघुवंशी सरलग करत हे समीक्षा
शहरी इलाका ले लेके दूर दराज के स्कूल के होवत हे जीर्णाेद्धार
लोग मन ह कहिस लईका मन ल मिलिस बेहतर सुविधा
74 करोड़ 42 लाख रूपिया ले जिला के 784 स्कूल के एक संग होवत हे मरम्मत
धमतरी 24 जून 2023
जिला म स्कूल ल संवारे के बुता युद्ध स्तर म चलत हे। भवन के मरम्मत होवत हे, छत ल सुधारे जाथ हे। सीलिंग अउ फ्लोर के बुता होवत हे, शौचालय ले मरम्मत चलत हे। दीवाल मन म नवा रंग-रोगन करे जाथ हे, जेकर ले स्कूल म पढ़ोइया लईका मन ल ओमन के अपन स्कूल एक नवा कलेवर म मिलय। पूरा जिला म लगभग 784 ठन ले जादा स्कूल के एक संग कायाकल्प करे जाथ हे। मुख्यमंत्री स्कूल जतन योजना के संग संग डीएमएफ ले कुल मिला के करीब 77 करोड़ 68 लाख रुपिया के राशि खरचा करे जाथ हे। ए ह अभी तक स्कूल भवन के मरम्मत म करे जाए वाले सर्वाधिक राशि होए।
कलेक्टर श्री ऋतुराज रघुवंशी स्कूल के मरम्मत अउ निर्माण बुता ल प्राथमिकता म राखथ हे अउ सरलग काम बुता के प्रगति के समीक्षा करत हे। जिला शिक्षा अधिकारी श्री ब्रजेश बाजपेयी घलो मरम्मत होवत स्कूल के नियमित निरीक्षण करत हे। कलेक्टर ह शिक्षा अउ निर्माण विभाग ल बईठक म ए संबंध म बिसेस निर्देश दिए हे कि स्कूल मरम्मत ह लईका मन के जुड़े बुता ए, एमा काम के गति अउ गुणवत्ता दूनों के पूरा धियान राखे जाए। जम्मो विकासखण्ड शिक्षा अधिकारी अउ स्कूल समन्वयक मन ल अपन अपन क्षेत्र के अंतर्गत स्कूल के निर्माण बुता के नियमित मॉनिटरिंग ब निर्देशित करे हावय। कलेक्टर श्री रघुवंशी के मार्गदर्शन म पूरा जिला म स्कूल मन के कायाकल्प के बुता युद्धस्तर म चलत हे। जे स्कूल के बुता पूरा हो गए हे, ओ ह एकदम नवा स्वरूप, नवा कलेवर म देखई देवत हे। एमा शहरी इलाका ले लेके दूर दराज के स्कूल मन हे।
स्कूल म होवत मरम्मत बुता ल लेके लोग मन ह कहिस कि एकर से स्कूल म पढे वाले छात्र छात्रा मन ल बेहतर सुविधा मिलही। कुरुद विकासखण्ड के फुसेरा स्थित गांव के ग्रामीण मन ह बताइस कि ओमन के गांव के प्राथमिक शाला भवन म बुता करे गय हे। ईहां स्कूल के छत ले लेले फ्लोर तक के मरम्मत करे गय हे। के छोट-मोट टूट-फुट रहिस हे ओहू ल सुधारे गय हे। पूरा भवन के रंगाई-पोताई करे गए हे। स्कूल अब बिल्कुल नवा स्वरूप म नजर आए लगिस हे। फुसेरा असन दूर-दराज के कई ठ स्कूल ल संवारने के बुता सरलग चलत हे।
मुख्यमंत्री स्कूल जतन योजना से होवत हे कायाकल्प
अगला सत्र के पहिली स्कूल के मरम्मत ल शासन ह प्राथमिकता म राखे हे। मुख्यमंत्री श्री भूपेश बघेल ह स्वयं ए संबंध म मुख्यमंत्री स्कूल जतन योजना के घोषणा करे हे। शासन कती ले स्कूल के सर्वे कर के मरम्मत योग्य स्कूल के जानकारी मंगाए रहिस हे। शासन कती ले जारी स्वीकृति आदेश के मुताबिक डीपीआई अउ समग्र शिक्षा मद ले 784 स्कूल ब 74 करोड़ 42 लाख रुपिया स्वीकृत करे गए हे।
डीएमएफ मद ले घलो खरचे जाथ हे राशि
अगले शिक्षा सत्र ले 01 आत्मानंद स्कूल अउ प्रारंभ होवत हे, एकर उन्नयन ब कलेक्टर श्री रघुवंशी ह डीएमएफ मद ले 07 ठ स्कूल ब कुल 03 करोड़ 26 लाख रूपिया दिए गए हे।
Success Stories
Neha Rathore
