- कहिन के राजीव ग्राम दुगली अऊ गौरव ग्राम कण्डेल संग जिला म बोहावत हे विकास के अविरल धारा
धमतरी, 21 मई 2020। भारत के पूर्व प्रधानमंत्री श्री राजीव गांधी के पुण्यतिथि के अवसर म आज प्रदेश म राजीव गांधी किसान न्याय योजना के शुभारम्भ करे गीस। प्रदेश के मुख्यमंत्री श्री भूपेश बघेल ह आज वीडियो कॉन्फ्रेंसिंग के माध्यम ले कई जिला मन के मनखे मन ले प्रतिक्रिया लीन। इही क्रम म उमन धमतरी जिला के गांव वाले मन ले प्राथमिकता ले बातचीत करिन। विशेष तौर म राजीव ग्राम दुगली अउ गौरव ग्राम कण्डेल के जिक्र करत अभी हाल के सरकार कोति ले करे गे काम मन के बारे म पूछिन। नगरी विकासखण्ड के ग्राम कौहाबाहरा (दुगली) के जय मां लक्ष्मी महिला स्वसहायता समूह के श्रीमती लता नेताम, जय मां शीतला महिला स्वसहायता समूह मुनईकेरा के श्रीमती नीरा मरकाम संग इको-टुरिज्म ग्राम जबर्रा के युवक श्री माधव सिंह अउ गौरव ग्राम कण्डेल के श्री नारायण सिंह ह मुख्यमंत्री ले सीधा बातचीत करके संक्षेप म जिला के उपलब्धि, गतिविधि मन अऊ विकास के बारे म बात करे गीस।