धमतरी, 20 अक्टूबर 2020। प्रयास बालक/बालिका आवासीय विद्यालय म शैक्षणिक सत्र 2020-21 म कक्षा नवमीं म प्रवेश बर चयन परीक्षा के आयोजन अवइया पांच नवंबर के करे जाही। सहायक आयुक्त, आदिवासी विकास विभाग ले मिले जानकारी के मुताबिक ये परीक्षा पूर्व निर्धारित परीक्षा केन्द्र शासकीय कन्या उच्चतर माध्यमिक विद्यालय नगरी अउ शासकीय श्रृंगीऋषि बालक उच्चतर माध्यमिक विद्यालय नगरी म बिहनिया साढ़े दस ले मंझनिया एक बजे तक आयोजित करे जाही। परीक्षा म शामिल होवइया विद्यार्थी मन ल परीक्षा शुरू होय के एक घंटा पूर्व परीक्षा केन्द्र म उपस्थित होय बर कहे गेहे। संग ही विद्यार्थी मन ल परीक्षा केन्द्र म मास्क लगा के आना अउ स्टेशनरी सामग्री (सीस, रबर, स्केल, करिया अऊ नीला बाल पेन) लाना अनिवार्य हे।
धमतरी: प्रयास आवासीय विद्यालय म कक्षा नवमीं म प्रवेश बर चयन परीक्षा 5 नवंबर ले
