- महिला मन ह भेंट करिन गोबर अऊ बांस ले बने उत्पाद: मुख्यमंत्री ह करिन प्रशंसा
- मल्टीयूटिलिटी सेंटर छाती म महिला मन बनावत हें गोबर ले गणेश के प्रतिमा, गमला, झूमर, बांस के ट्री-गॉर्ड
- गोधन न्याय योजना शुरू करे बर जताइन आभार
रायपुर, 26 जुलाई 2020। मुख्यमंत्री श्री भूपेश बघेल ले आज इहां ऊंखर निवास कार्यालय म धमतरी जिला के ग्राम छाती के मल्टीयूटीलिटी सेंटर बिहान के महिला सदस्य मन ह सिहावा विधायक श्रीमती डॉ. लक्ष्मी ध्रुव के सियानी म सौजन्य मुलाकात करिन। ये बेरा म समूह के सदस्य मन ह मुख्यमंत्री श्री बघेल ल गोबर अउ बांस ले बने उत्पाद भेंट करिन अऊ गोधन न्याय योजना शुरू करे बर आभार व्यक्त करिन। मुख्यमंत्री ह समूह के बनाए उत्पाद मन ल सहराइन अऊ ऊंखर निरन्तर प्रगति बर बधाई अउ शुभकामना दीन। महिला मन ह मुख्यमंत्री ल छाती मल्टीयूटीलिटी सेंटर आए के नेवता घलोक दीन।
धमतरी जिला के छाती मल्टीयूटीलिटी सेंटर बिहान के सदस्य मन ह बताइन के उहां करीबन 15 स्व-सहायता समूह के 165 महिला मन काम करत हें। स्वावलंबी स्व-सहायता समूह के सदस्य अउ नगरी जनपद सदस्य श्रीमती दुर्गेश नन्दिनी साहू ह बताइस के उंखर ये समूह पाछू तीन बछर ले काम करत हे। उंखर समूह गोबर ले गणेश के प्रतिमा, गमला, झूमर, अउ आन गौ उत्पाद बनाथे। समूह के महिला मन ह बताइन के छाती मल्टीयूटीलिटी सेंटर के शुभारंभ दू महिना पहिली होय रहिस अऊ अब सेंटर म 165 महिला मन जुड़ के काम करत हें। ये सेंटर म बाँस ले ट्री गॉर्ड निर्माण के काम घलोक स्व सहायता समूह के महिला मन करत हें। प्रति नग ट्री गॉर्ड के निर्माण ले एक महिला ल 100 रूपिया के आमदनी होथे अऊ एक महिला रोजेच 3 ले 4 ट्री गॉर्ड के निर्माण करथें। समूह ले जुड़े महिला मन ल एखर अलावा उत्पादन ले मिले मुनाफा म घलोक लाभांश मिलथे, जेखर से ऊंखर जीवन स्तर म सुधार आए हे अऊ अब ओ मन अपन परिवार के मूलभूत सुविधा मन के पूर्ति म सक्षम हो पाए हें।
ज्ञानदीप स्व-सहायता समूह के सदस्य श्रीमती लक्ष्मी चंद्राकर अऊ श्रीमती कमला बाई ह बताइस के उंखर समूह गोबर ले राखी, गणेश, गमला अऊ बाँस ले पेपरवेट, चूड़ी-कंगन अऊ महिला मन बर सौन्दर्य प्रसाधन बनाथे। उमन बताइन के अब तक करीबन 12 हजार 5 सौ राखी के विक्रय ले समूह ल 5 लाख 50 हजार रूपिया के आय प्राप्त होय हे। उमन बताइन के गोबर ले बने ए राखी मन म जामुन, टमाटर अउ फल मन के बीज डाले गए हे, जेला गमला मन म रोपे जा सकत हे। समूह ह श्ओजश् नाम के ब्राण्ड ले करीबन 16 एकड़ क्षेत्र म ग्रीन टी के घलोक उत्पादन करे जात हे। ये ग्रीन टी म लेमन ग्रास, तुलसी, अदरक, लौंग अऊ गिलोय के सम्मिश्रण हे। जऊन कोरोना महामारी के ये काल म इम्युनिटी बढ़ाए म सहायक हे।
