कोरबा: सरकार कोति ले किसान मन ल बकाया बोनस राशि वितरण ले जिला के किसान परिवार म छाईस खुशहाली

कोरबा 27 दिसंबर 2023। मुख्यमंत्री श्री विष्णु देव साय के सियानी म शासन कोति ले किसान मन ल दू साल के धान खरीदी के बकाया बोनस राशि प्रदान करे ले राज्य के किसान मन के चेहरा म प्रसन्नता छाए हे। सरकार बनतेच पूर्व प्रधानमंत्री श्री अटल बिहारी वाजपेयी के जन्म दिवस के शुभ अवसर म प्रदेश सरकार ह अपन वादा पूरा करे हे। ये बोनस किसान मन बर बड़का सौगात लेके आए हे। बोनस राशि मिले ले कोरबा जिला के किसान प्रफुल्लित होके छत्तीसगढ़ सरकार के जन कल्याणकारी निर्णय के प्रति कृतज्ञता प्रकट करत हें।
इही कड़ी म जिला के ग्राम रंजना के रहइया किसान श्री टंकेश्वर प्रसाद ह प्रदेश सरकार के किसान हितैषी निर्णय उपर खुशी जाहिर करत कहिन कि हर किसान परिवार के अलगे जरूरत होथे अऊ ये बोनस राशि के उपयोग ले सबो किसान अपन नवा घर बनाए, घर के मरम्मत, लइका मन के शिक्षा, कृषि काम, परिवार के सदस्य मन के जरूरत मन के पूर्ति अउर आन जरूरी सामान खरीदेम कर पाहीं। किसान मन के जरूरत मन ल पूरा करे म ये राशि मददगार साबित होही। उमन बताइन कि बकाया बोनस के रूप म ऊंखर खाता म 01 लाख 89 हजार 600 रुपिया आए हे, जेकर ओ ल उम्मीद नइ रहिस। उमन कहिन कि ये सब मोदी के गारंटी के सेती ही संभव हो पाए हे। ये राशि के उपयोग ले ओ मन अपन परिजन के जरूरत के पूर्ति करे अउ कृषि उपज बढ़ाए म करबो। किसान टंकेश्वर ह प्रधानमंत्री श्री नरेंद्र मोदी अउर मुख्यमंत्री श्री विष्णु देव साय ल सहृदय धन्यवाद दीीन।
अइसनहे ग्राम मुढ़ाली निवासी श्री संतोष सिंह ह बताइस कि सरकार ह दू साल के लम्बित बोनस राशि देके किसान मन ल बहुत बड़ सौगात देहे हें, जेखर से किसान मन के परिवार म खुशहाली आए हे। दू साल के धान विक्रय के बोनस ओ  ल 01 लाख 37 हजार 40 रुपए मिले हे। उमन बताइन कि बोनस राशि के उपयोग ओ ह उन्नत खेती अपनाके फसल के पैदावार बढ़ाए म करहीं। संगेेच जल्दीच अपन कृषि जमीन म बोर खनन करके रबी फसल अउर साग-सब्जी के उत्पादन करहीं, जेखर से ऊंखर परिवार के आय अऊ बाढ़ही। उमन छत्तीसगढ़ सरकार के किसान हितैषी निर्णय बर मुख्यमंत्री श्री विष्णु देव साय के प्रति कृतज्ञता प्रकट करिन।