रायपुर, 25 दिसंबर 2023। मुख्यमंत्री श्री विष्णु देव साय ह छत्तीसगढ़ राज्य के 11 लाख 76 हजार 815 किसान मन ल 3 हजार 7 सौ 16 करोड़ रुपिया के बकाया बोनस राशि के वितरण करिन। ये बेरा म बालोद के तमोरा ले किसान विशेसर राम साहू ऑनलाइन मुख्यमंत्री ले बात करिस।
बालोद जिला के तमोरा ग्राम के किसान बिशेसर राम साहू ह मुख्यमंत्री ल बताइस कि आज मोला 89 हजार 640 रुपए धान बोनस मिलीस, आप मन के सरकार के योजना बहुत बढि़या हे। हमन कभू नइ सोचे रहेन कि बोनस मिलही, फेर आज बहुत खुशी होवत हे। अइसनहे महासमुंद जिला के किसान श्री रामपाल बताइस कि वोला 23 हजार 280 रुपए के बोनस मिलीस। मुख्यमंत्री ह कहिन आप मन खाता चेक कर लव, किसान ह हां- कहिके मुख्यमंत्री ल धन्यवाद दीन।
