सफलता के कहानी: किसान लक्ष्मण, छगन अऊ खोरबाहरा ल धान बेंचे म नइ होइस कोनो परेशानी

समिति म सबो सुविधा दुरुस्त
महासमुंद, मुख्यमंत्री श्री विष्णुदेव साय के सुशासन अऊ किसान-कल्याण के प्राथमिकता ल धरातल म उतारत राज्य सरकार के महत्वाकांक्षी किसान उन्नति योजना आज किसान मन खातिर सही बदलाव के माध्यम बनत हे। बेहतर समर्थन मूल्य, पारदर्शी अऊ सुविधाजनक उपार्जन व्यवस्था, अऊ टोकन प्रणाली जइसे सुधार ह धान विक्रय प्रक्रिया ल सहज, तेज अऊ भरोसेमंद बनाय हे। जेखर प्रत्यक्ष लाभ सीमांत किसान ले लेके बड़े किसान मन तक समान रूप ले पहुंचत हे अऊ किसान जादा उछाह अऊ विश्वास के संग उत्पादन बढ़ावत हें।
महासमुंद जिला के विकासखंड के ग्राम मोंगरा रहवइया श्री लक्ष्मण ध्रुव अपन 54 कट्टा धान के बेंचे ग्रामीण सेवा सहकारी समिति झालखम्हरिया उपार्जन केंद्र पहुंचिन। उमन बताइन के 3 दिन पहिली टोकन कटवाए हे, जेखर से ओ ल समय म धान बेंचे के सुविधा मिलीस। शासन के पारदर्शी टोकन व्यवस्था अऊ जल्दी पंजीयन ह उंखर प्रक्रिया ल सहज बनाइस। वोखर पास एक एकड़ खेती हे। अइसनहे मोंगरा केरहवइया श्री खोरबहारा साहू ह बताइस के ओ अपन 42 डिसमिल कृषि जमीन म 8.80 कुंटल धान उत्पादन करे हे। वो ह सरलग देखभाल अऊ शासन कोति ले उपलब्ध कराए जात सुविधा के लाभ लेत अपन फसल के उत्पादन करे हे। वो ह बताइस के धान बेचे म ओ मन ल कोनो परेशानी नइ होइस। उहें मोंगरा के रहवइया श्री छगन लाल साहू ह अपन पिताजी पुनीत राम साहू के नाव पंजीकृत 10 एकड़ कृषि जमीन म ए साल 250 कट्टा धान के उपार्जन करे हे।
सरकार कोति ले प्रति एकड़ 21 कुंटल के दर ले धान खरीदी अऊ समर्थन मूल्य 3100 रुपिया प्रति कुंटल देहे के निर्णय किसान मन खातिर एक बड़का राहत हे। मोंगरा के रहवइया लक्ष्मण ध्रुव, खोरबाहरा साहू अऊ छगन लाल साहू ह मुख्यमंत्री श्री विष्णुदेव साय के धन्यवाद ज्ञापित करे हें।