बलरामपुर GG Digital News Desk, छत्तीसगढ़ मा धान खरीदी के ‘महातिहार’ मा किसान मन के चेहरा चमकत हे। सरकार के ‘ऑनलाइन टोकन’ सिस्टम ह ए साल मंडी के पूरा नक्शा बदल देहे हे। अब किसान मन ला अपन धान बेचे बर न घन्टों लाइन मा लगे ला परय, न ही कोनो परेशानी होवय।
सतीश भाई के सुख के दिन: बलरामपुर जिला के महराजगंज मंडी मा धान बेचे आए खजुरी गाँव के किसान सतीश गुप्ता ह बताइस के ए नवा व्यवस्था ह वोकर बर वरदान बन गे हे। सतीश भाई ह कहिस, “ऑनलाइन टोकन कटाए ले काम एकदम आसान हो गे हे। जब नंबर लगथे, सीधा मंडी जावव अउ तौल करा के आ जाव। कोनो किच-किच नइ हे।”
बढ़ गे आमदनी: सतीश गुप्ता ह ए दरी 200 बोरा धान लेके आए रिहिस, अउ अभी 275 बोरा बेचना बाकी हे। वो ह खुश होके बताइस के पउर साल के मुकाबला ए साल 75 बोरा जादा धान होय हे। वो ह बताइस के नउर साल सरकार ह समय मा पइसा दे रिहिस, तेखर सेती वोमन खेती बर एक ठन नवा ट्रेक्टर घलो बिसा डारिन।
साफ-सुथरा काम: किसान मन के कहना हे के मंडी मा अब नाप-तौल एकदम साफ (पारदर्शी) होवत हे। अधिकारी अउ कर्मचारी मन पूरा सहयोग करत हें। सरकार के ए पहल ले किसान मन ला अपन मेहनत के सही दाम अउ समय मा पइसा मिलत हे, जेखर से वोमन खेती मा आगू बढ़त हें।