खरीफ साल 2019-20 म धान खरीदी एक दिसम्बर ले 15 फरवरी तक

रायपुर, राज्य शासन कोति ले खरीफ विपणन साल 2019-20 के समय राज्य के किसान मन ले नगद अउ लिंकिंग म धान के खरीदी एक दिसम्बर ले 15 फरवरी 2020 तक अउ समर्थन मूल्य म किसान मन ले मक्का के खरीदी घलोक एक दिसम्बर 2019 ले 31 मई 2020 तक करे जाही। एक दिसम्बर 2019 इतवार के दिन छुट्टी होए के बाद घलोक ओ दिन धान खरीदी करे जाही। धान खरीदी के संबंध म सचिव खाद्य विभाग कोति ले जारी दिशा-निर्देश के मुताबिक खरीफ साल 2019-20 म प्रदेश के किसान मन ले धान खरीदी के सबले जादा सीमा 15 कुंटल प्रति एकड़ लिंकिंग संग निरधारित करे गए हे। खरीफ साल 2019-20 म मक्का खरीदी के सबले जादा सीमा 10 क्विंटल प्रति एकड़ निरधारित करे गए हे। खरीफ साल 2019-20 म राज्य के किसान मन ले 85 लाख मैट्रिक टन धान अउ 5 हजार मैट्रिक टन मक्का के उपार्जन अनुमानित हे। साल 2019-20 म मक्का खरीदी के राशि के समस्त भुगतान धान खरीदी के समान ही किसान मन के खाता म डिजिटल मोड ले करे जाही।
प्रदेश म बीज उत्पादक किसान मन के बीज, बीज निगम कोति ले उपार्जित करे बर बीज प्रमाणीकरण संस्था ले धान बीज के शुद्धता अउ अंकुरण के जांच कराए जाथे। काबर के काम म समय लागथे, ते खातिर धान के समर्थन मूल्य म चिन्हाकित खरीदी केन्द्र मन म किसान मन ले बीज निगम ले प्रमाण पत्र के आधार म एक मार्च 2020 ले 31 मई 2020 तक उपार्जन करे जाही।
खाद्य विभाग कोति ले जारी निर्देश के मुताबिक राज्य के सबो जिला मन म धान के उपार्जन छत्तीसगढ़ राज्य सहकारी विपणन संघ (मार्कफेड) कोति ले अउ मक्का के उपार्जन छत्तीसगढ़ स्टेट सिविल सप्लाईज कार्पोरेशन लिमिटेड कोति ले करे जाही। खरीफ विपणन साल 2019-20 म धान के खरीदी विगत खरीफ विपणन साल 2018-19 म संचालित एक हजार 995 खरीदी केन्द्र मन अउ खरीफ साल 2019-20 म चालू करे गए नवा खरीदी केन्द्र मन म करे जाही। प्रदेश म 48 मंडी मन अउ 76 उपमंडी मन के प्रांगण के उपयोग विगत खरीफ विपणन साल के अनुसार धान उपार्जन केन्द्र बर करे जाही।