रायपुर, मुख्यमंत्री श्री भूपेश बघेल ह राज्य के किसान मन के हित ल ध्यान म रखत एक बड़का फैसला लीन। राज्य म समर्थन मूल्य म धान खरीदी के अपन निवास कार्यालय म वीडियो कांफ्रेंसिग के माध्यम ले समीक्षा के बेरा म मुख्यमंत्री ह धान खरीदी के निरधारित अवधि ल एक हफ्ता अऊ बढ़ाए के एलान करिन। राज्य म अब 7 फरवरी तक किसान मन ले धान खरीदी करे जाही। खाद्य अऊ नागरिक आपूर्ति मंत्री श्री अमरजीत भगत घलोक वीडियो कॉन्फ्रेंसिंग के माध्यम ले बैठक म सामिल होइन। बैठक म मुख्य सचिव श्री अमिताभ जैन, अपर मुख्य सचिव श्री सुब्रत साहू, कृषि उत्पादन आयुक्त डॉ.कमलप्रीत सिंह, मुख्यमंत्री के सचिव श्री सिद्धार्थ कोमल सिंह परदेशी, खाद्य सचिव श्री टोपेश्वर वर्मा, सहकारिता सचिव श्री हिमशिखर गुप्ता, नान के एमडी श्री निरंजन दास संग आन अधिकारी उपस्थित रहिन।
मुख्यमंत्री ह राज्य म धान खरीदी के अवधि एक हफ्ता अऊ बढ़ाए के करिन एलान
