मुख्यमंत्री श्री विष्णुदेव साय ह पुसौर धान खरीदी केंद्र के करिन उदुपहा जांच

रायगढ़, 02 फरवरी 2024। मुख्यमंत्री श्री विष्णुदेव साय ह आज रायगढ़ जिला के प्रवास के समय पुसौर धान खरीदी केंद्र के औचक निरीक्षण करिन। इहां उमन धान बेचे आए किसान मन ले चर्चा करिन। वित्त मंत्री श्री ओ पी चौधरी, श्री प्रबल प्रताप सिंह जूदेव घलोक ए बेरा संग रहिन।
मुख्यमंत्री श्री विष्णुदेव साय ह धान बेचे आए किसान मन ले चर्चा करिन। उमन पूछिन के धान बेचे म कोनो तकलीफ तो नइ होवत हे। किसान पार्थिव केदार ह बताइस कि हाल के कुछ दिन म होए बारिश के चलते धान नइ बेच पाए रहिस। फेर आप मन खरीदी के तारीक बढ़ाय के फैसला ले हमर चिंता दूर हो गए हे। एखर बर उमन मुख्यमंत्री श्री विष्णुदेव साय ल धन्यवाद ज्ञापित करिन। मुख्यमंत्री श्री साय ह कहिन कि किसान हित म अब सनिवार अऊ इतवार के छुट्टी के दिन घलोक खरीदी होही। उमन कहिन कि किसान मन ल अंतर के राशि के जल्दी भुगतान कर दे जाही। धान के दू साल के बकाया बोनस जारी करे ल लेके घलोक किसान मन ह मुख्यमंत्री श्री विष्णुदेव साय के आभार जताइन। किसान मन ह कहिन कि एक मुश्त राशि मिले ले आर्थिक राहत मिले हे।
मुख्यमंत्री श्री विष्णुदेव साय ह ए बेरा म समिति म होवत खरीदी ल देखीन अऊ धान बेच आए दूसर किसान मन ले घलोक चर्चा करिन। उमन अपन सामने धान के तौल करवाइन अऊ मॉइश्चर मीटर ले नमी मपवाइन। मुख्यमंत्री श्री साय ह अधिकारी मन ल निर्देशित करत कहिन कि किसान मन ले व्यवस्थित रूप ले खरीदी पूरा करे जाय।