धान के अवैध परिवहन अऊ भण्डारण उपर कार्यवाही तेज

रायगढ़ जिला म अब तक 2.26 करोड़ के 7300 कुंटल धान जब्त
रायगढ़, जिला म धान खरीदी के महाभियान के तहत खरीफ विपणन साल 2025-26 म समर्थन मूल्य म धान खरीदी सुचारू रूप ले जारी हे। राज्य शासन के निर्देश म जिला म अवैध धान परिवहन अऊ भंडारण उपर जिला प्रशासन के कार्रवाई सरलग तेज गति ले जारी हे। कलेक्टर श्री मयंक चतुर्वेदी के निर्देश म रायगढ़ जिला म अब तक 43 प्रकरण मन म 7300 कुंटल अवैध धान जब्त करे गए हे, जिंकर अनुमानित कीमत 2 करोड़ 26 लाख रुपिया ले जादा हे। उहें पाछू 5 दिन म 12 प्रकरण मन म 3986 कुंटल धान जब्त करे गए हे, जिंकर 3100 रुपिया प्रति कुंटल के हिसाब ले कीमत 1 करोड़ 23 लाख 55 हजार रुपिया ले जादा हे। ए कार्रवाई मनम अंतर्राज्यीय बेरियर रेंगालपाली, जमुना अऊ पुसौर के लारा बेरियर सामिल हे। संगेच 40 कोचिया मन उपर कार्रवाई करे गए हे। सबो प्रकरण मन ल छत्तीसगढ़ कृषि उपज मंडी अधिनियम के अंतर्गत दर्ज करे गए हे। 
कलेक्टर ह धान के अवैध परिवहन अऊ भण्डारण उपर सरलग कार्रवाई करे खातिर जिला के सबो एसडीएम, तहसीलदार अऊ संबंधित संघरा टीम ल हुकुम देहें हे। संगेच उपार्जन केन्द्र म नियुक्त नोडल अधिकारी मन ल घलोक सतत् मॉनिटरिंग करे अऊ ओखर सूचना उच्चाधिकारी मन ल देहे के निर्देश देहे हें।