किसान मन ले बातचीत करके व्यवस्था के जानकारी लीन
रायपुर, खाद्य मंत्री श्री अमरजीत भगत ह मंगलवार के रायपुर जिला के ग्राम केन्द्री, अभनपुर अऊ मानिकचौरी स्थित धान खरीदी केन्द्र मन के औचक निरीक्षण करिस। ये मौका म खाद्य सचिव श्री कमलप्रीत सिंह उपस्थित रहिन। खाद्य मंत्री श्री भगत ह धान खरीदी केन्द्र मन म उपस्थित किसान मन ले रू-ब-रू बातचीत करिन अउ उंखर हालचाल पूछिन अऊ खरीदी केन्द्र मन म जरूरी व्यवस्था मन के बारे म जानकारी लीन। श्री भगत ह राज्य सरकार कोति ले घोषित 2500 रूपिया प्रति क्विंटल के राशि किसान मन ल भुगतान करे के संबंध म आश्वस्त करिन। उमन किसान मन ल अंतर के राशि अलग ले देहे के राज्य शासन के निर्णय ले अवगत कराइन।
श्री भगत ह धान खरीदी केन्द्र मन म घूम-घूम के जायजा लीन अऊ जरूरी व्यवस्था मन के संबंध म जानकारी लीन अउ तौल मशीन मन के घलोक जांच करिन। उमन आद्र मापी यंत्र ले धान म उपलब्ध आद्रता के परीक्षण करिन। श्री भगत ह उपार्जन केन्द्र मन के कर्मचारी मन ले बातचीत करिन अऊ धान के गुणवत्ता आदि के संबंध म जरूरी निर्देश दीन। उप रजिस्टार कोऑपरेटिव सोसायटी के श्री एन.के. चंद्रवंशी ह बताइस कि धान खरीदी केन्द्र केन्द्री म एक दिसम्बर ले 71 क्विंटल धान खरीदे गीस। 2 दिसम्बर के एक हजार 151 क्विंटल धान खरीदे गीस अऊ आज मंगलवार के 32 किसान मन ल एक हजार 760 क्विंटल धान खरीदी बर कूपन प्रदान करे गीस अऊ खरीदी के काम चलत हे। केन्द्री म सात गांव मन के किसान मन ले धान खरीदी करे जात हे। ए गांव मन म केन्द्री, उपरवारा, बिरौंदा, बकतरी, खडुवा, भेलावाडीह, झांकी सामिल हे।
बकतरा के किसान श्री बिसत साहू, ईतवारी साहू अऊ रामभगत साहू अउ भजियारीन ह बताइस कि खरीदी के काम ठीक चलत हे अऊ खरीदी केन्द्र मन के कर्मि मन ले सहयोग मिलत हे। बारदाना घलोक समय म मिलत हे। मानिकचौरी उपार्जन केन्द्र म अब तक 3638 क्विंटल धान खरीदे गए हे, मानिकचौरी उपार्जन केन्द्र के श्री पवन कुमार ह बताइस कि आज मंगलवार के 55 किसान मन ल 2160 क्विंटल धान के टोकन प्रदान करे गीस। ये केन्द्र म 8 गांव आथे, एमां मानिकचौरी, ठेलकाबांधा, गातापार, दादरझोरी, टोकरो, हसदा, डोंगीतराई अऊ पिपरौद सामिल हे।
