कबीरधाम, जिला के बोड़ला ब्लॉक के महराजपुर उपार्जन केंद्र म उपमुख्यमंत्री विजय शर्मा ह धान खरीदी के शुभारंभ करिन। उमन पारंपरिक पूजा करके, किसान मन के तिलक करिन अऊ नरियर भेंट करके उत्साह बढ़ाइन। पहिली दिन ग्राम कांपा के किसान भगत कौशिक के 36 क्विंटल धान के खरीदी करे गीस। केंद्र म महराजपुर, कांपा, जीताटोला अऊ डगनिया के 769 किसान पंजीकृत हे। उपमुख्यमंत्री ह सुविधा, टोकन व्यवस्था अऊ भुगतान प्रक्रिया के निरीक्षण करत कहिन के सरकार ‘मोदी के गारंटी’ के मुताबिक किसान मन ल सुचारू अऊ लाभकारी व्यवस्था उपलब्ध कराही।
धान खरीदी महापर्व शुरू! उपमुख्यमंत्री ह खुदे तौल के करिन पहली खरीद
