महासमुंद : अब खुद के साधन ले खेती करे लगे हे किसान धनीराम

राजीव गांधी किसान न्याय योजना ले बिसाईस एक जोड़ी बईला
दूसर मन ऊपर निर्भरता खतम
महासमुंद, 05 जुलाई 2023
छत्तीसगढ़ शासन के महत्वाकांक्षी राजीव गांधी किसान न्याय योजना किसान मन के जीवन म कईसे सकारात्मक बदलाव लेके आथे। एकर एक बानगी ग्राम चिंगरौद के किसान श्री धनीराम साहू ले जाने जा सकत हे। श्री साहू करा सात एकड़ भुइंया हे। जेमा ओ ह दूसर के साधन के उपयोग कर जईसे-तईसे खेती करत रहिस हे। एकर से खरचा जादा होवत रहीस अउ समय म बुता घलो नई हो पात रहिस हे। किसान ह बताइस कि राजीव गांधी किसान न्याय योजना लागू होए ले अउ ओकर ले मिले राशि ले अपन खेती के बुता ब एक जोड़ी बइला बिसा डारे हे। अब ओ ह अराम से अउ समय म खेती बुता करत हे। अब दूसरे के उपर निर्भरता ह सिरा गईस हे। एकर से कृषक ल अपन फसल ले अतिरिक्त आय प्राप्त होइस अउ कृषक के परिवार के आर्थिक स्थिति म सुधार होइस। पिछले वर्ष 2022 म योजना ले मिले 4 किस्त के राशि 48300 रुपिया मिले म अपन खेती बुता न एक जोड़ी बईला बिसा डारे हे।
 ओ ह बताइस कि ए बछर खरीफ धान फसल ले 105 क्विंटल के धान बेचरि करे हे। जेकर से राजीव गांधी किसान न्याय योजना अंतर्गत पहिली किस्त 12 हजार 75 रुपिया के राशि मिल गय हे। ए राशि ले खेती बुता ब बीज अउ खातु बिसाईस हे। अब मोला कोनो करा करजा लेहे के अवश्यकता नई परय अउ न ही कोनो दूसर करा साधन मांगे ब परथे। राजीव गांधी किसान न्याय योजना ले मोर आर्थिक स्तर म सुधार होइस अउ जेकर से मोर खेती किसानी करे म अबड़ मदद मिलत हे। ए कारगर योजना ब ओ ह मुख्यमंत्री श्री भूपेश बघेल ल धन्यवाद घलो दिस हे।
Sucess story
Neha Rathore