केबिनेट मंत्री श्री देवांगन ह करिन धान खरीदी के शुभारम्भ

कोरबा, मुख्यमंत्री श्री विष्णु देव साय के मंशानुरूप खरीफ विपणन साल 2025-26 म समर्थन मूल्य म किसान मन ले धान खरीदी काम के कोरबा जिला म काली ले शुभारंभ होए हे। कैबिनेट मंत्री श्री लखन लाल देवांगन के उपस्थिति म काली विकासखण्ड कोरबा के आदिम जाति सेवा सहकारी समिति मर्यादित केंद्र सोनपुरी म धान खरीदी काम के शुभारंभ होइस। उमन  इलेक्ट्रॉनिक तौल मशीन के पूजा अर्चना करके धान खरीदी के विधिवत शुरुआत करिन।  मंत्री श्री देवांगन ह समिति म धान विक्रय बर आए किसान श्री फूलसिंह राठिया के पुष्पमाला भेंटकरके स्वागत करिन अऊ शुभकामना दीन।  ए बेरा म विधायक रामपुर श्री फूल सिंह राठिया, कलेक्टर श्री अजीत वसंत स्थानीय जनप्रतिनिधि, अधिकारी उपस्थित रहिन।