दुर्ग, धनोरा गांव के गौठान के जमीन म देव कुमार अऊ लक्ष्मी साहू ह बेजा कब्जा कर लेहे रहिन। ये मामला के लिखित शिकायत नायब तहसीलदार मेर करे गए रहिस। नायब तहसीलदार दुर्ग ह 16 दिसंबर 2020 के ये बात म अर्थदंड अउ बेदखली के वारंट बेजा कब्जा करईया मन के खिलाफ जारी करे गए रहिस। फेर बेजा कब्जा करईया मन ह ये आदेश के खिलाफ अनुविभागीय अधिकारी के आगू अपील प्रस्तुत करे रहिन। जेमां अनुविभागीय अधिकारी दुर्ग ह नायब तहसीलदार दुर्ग के आदेश ल जइसे के तइसे रखत अपील खारिज कर देहे रहिन। फेर बेजा कब्जा करईया मन एखर अपील आयुक्त दुर्ग संभाग के मेर करे रहिन। जेमां संभागायुक्त श्री महादेव कावरे ह दूनों पक्ष के सुनवाई करत आज 27 जनवरी के आदेश पारित कर के अधीनस्थ दुनों न्यायालय कोति ले पारित आदेश ल जइसे के तइसे रखिन अऊ अपील ल खारिज करत बेजा कब्जा ल तुरंते हटाए के आदेश पारित करिन।
जानबा हे के दुरूग के नवा संभागायुक्त श्री महादेव कावरे ह जनहित ल ध्यान म रखत न्यालयीन प्रकरण मन के सरलग सुनवाई करत हें।
हटही धनोरा गौठान के जमीन के बेजा कब्जा
