बजार म हे रौनक, मैं घलोक अपन घर बर करेंव देवारी के खरीदी : मुख्यमंत्री श्री भूपेश बघेल

रायपुर, मुख्यमंत्री श्री भूपेश बघेल धनतेरस के मौका म राजधानी रायपुर म स्थानीय दुकानदार मन ले देवारी के खरीदारी करे पहुंचिन। ये बेरा म बजार म रौनक देखके छत्तीसगढ़वासी मन के मुताबिक ही मुख्यमंत्री के चेहरा म घलोक खुशी नजर आइस। उमन कहिन कि, बीते दू साल देवारी के तिहारी सीजन के बाजार कोरोना के सेती प्रभावित रहिस। ये पईत बाजार म भरपूर रौनक हे। शासन के कई ठन योजना अऊ नीति मन के चलते ग्रामीण, मजदूर, किसान ले लेके अधिकारी-कर्मचारी वर्ग सबो के जेब म पइसा हे। ये पइसा अब बाजार तक पहुंचत हे। एखर से व्यापारी वर्ग घलोक उत्साहित हे। मुख्यमंत्री ह कहिन कि, ‘तिहार के अवसर हे, अइसन म मैं घलोक अपन परिवार बर खरीदारी करे पहुंचे हंव।’