बिलासपुर संभाग म 33 सस्ता दवई के दुकान संचालित

बिलासपुर, मुख्यमंत्री श्री भूपेश बघेल ह महंगी होवत स्वास्थ्य-सेवा मन ल गरीब मनखे के पहुंच म लाय के प्रयास के तहत छत्तीसगढ़ म श्री धनवंतरी जेनेरिक मेडिकल स्टोर योजना के शुरूआत करे गए हे। एखर तहत राज्य के कई ठन जिला मन म सस्ता दवइ के स्टोर खोले गये हे। ए सस्ता दवा दुकान मन म उपभोक्ता मन ल गुणवत्तापूर्ण दवइ एम.आर.पी. म सबले कम 50.09 प्रतिशत अऊ सबसे अधिक 71 प्रतिशत छूट के लाभ मिलत हे। योजना के अंतर्गत बिलासपुर संभाग म अभी हाल म करीब 33 सस्ता दवा दुकान संचालित हे।
बिलासपुर जिला के नगर निगम बिलासपुर के अंतर्गत नूतन चौक से.एम.एच.ओ. ऑफिस के आगू सरकंडा म अऊ जिला अस्पताल परिसर बिलासपुर म सस्ता दवा दुकान संचालित हे। नगर पालिका तखतपुर के अंतर्गत बस स्टैंड तखतपुर अऊ नगरपालिका रतनपुर के अंतर्गत बस स्टैंड रतनपुर तीर सस्ता दवा के दुकान संचालित हे। अइसनहे गौरेला-पेंड्रा-मरवाही जिला म नगर पंचायत गौरेला के अंतर्गत मंगली बाजार शॉपिंग कॉम्प्लैक्स गौरेला अऊ नगर पंचायत पेंड्रा म बस स्टैंड पेंड्रा म सस्ता दवा के दुकान हे।
कोरबा जिला म नगर निगम कोरबा के अंतर्गत जुन्ना बस स्टैंड अऊ नीलंबरी चौक तीर सस्ता दवा दुकान हे। नगरपालिका दीपिका म बस स्टैंड तीर अऊ नगर पालिका कटघोरा म बस स्टैंड तीर माधव सदन म, नगर पंचायत पाली के वार्ड-12 म सामुदायिक स्वास्थ्य केन्द्र तीर अऊ नगर पंचायत छुरीकला म हाईस्कूल तीर कोरबा रोड म सस्ता दवई के दुकान संचालित हे।
जांजगीर-चांपा जिला म नगरपालिका जांजगीर म तहसील कार्यालय के आगू, नगर पालिका चांपा म नायक नर्सिंग होम तीर सस्ता दवा के दुकान हे। नगर पालिका सक्ती के अंतर्गत सामुदायिक स्वास्थ्य केंद्र तीर अऊ नगर पालिका अकलतरा म वृद्धा आश्रम सामुदायिक स्वास्थ्य केन्द्र तीर सस्ता दवा दुकान हे। नगर पंचायत नयाबाराद्वार म तहसील ऑफिस तीर, नगर पंचायत बलौदा म माध्यमिक विद्यालय के बगल म सामुदायिक भवन म अऊ नगर पंचायत खरौद म तिवारीपारा सामुदायिक भवन तीर सस्ता दवा के दुकान हे। नगर पंचायत शिवरीनारायण म सांस्कृतिक भवन बस स्टैंड तीर, नगर पंचायत अड़भार म जुन्ना नगर पंचायत भवन उप अभियंता कक्ष तीर, नगर पंचायत जैजैपुर म पोस्ट ऑफिस तीर जुन्ना नगर पंचायत कार्यालय अऊ डभरा नगर पंचायत के नवा बस स्टैंड म सस्ता दवा के दुकान हे। नगर पंचायत चंद्रपुर के व्यायाम शाला बस स्टैंड तीर, नगर पंचायत सारागांव म सामुदायिक स्वास्थ्य केन्द्र तीर सस्ता दवा के दुकान हे। नगर पंचायत नवागढ़ म व्यावसायिक परिसर के बगल म अऊ नगर पंचायत राहौद म वार्ड-2 हास्पिटल के आगू सस्ता दवा के दुकान हे।
रायगढ़ जिला के अंतर्गत नगर निगम रायगढ़ म जुन्ना सारंगढ़ बस स्टैंड अऊ श्री अशर्फी देवी चिकित्सालय म नगरपालिका खरसिया म उर्मिला ऑटो के सामने, नगर पंचायत धर्मजयगढ़ म सरकारी अस्पताल खरसिया रोड, नगर पंचायत सारंगढ़ म सरकारी अस्पताल जेल पारा म अऊ नगर पंचायत सरिया म बस स्टैंड तीर सस्ता दवा के श्री धन्वन्तरी जेनेरिक मेडिकल स्टोर संचालित हे।