कलेक्टर के निर्देशन म जिला के पांच ठ नगरीय निकाय म संचालित हवय ए योजना
लगभग 50 प्रतिशत छूट के संग मिलत हे इहां दवई
बलरामपुर, नेहा राठौर के खबर/ कभु हमन बीमार परथन त मन म अस्पताल, डॉक्टर के फीस, महंगी -मंहगी दवई मन जान ल अउ टोर देथे। गरीब, मजदूर, किसान असन कमजोर वर्ग ब ए ह अबड़ महंगी पर जाथे। इस्ने बेरा म कमजोर वर्ग के सहयता करे ब राज्य शासन ह श्री धनवंतरी जेनेरिक मेडिकल स्टोर योजना, शहरी स्लम स्वास्थ्य योजना अउ हाट-बजार क्लिनिक योजना असन महत्वपूर्ण योजना के क्रियान्वयन करत हे।
बलरामपुर-रामानुजगंज जिला म कलेक्टर श्री विजय दयाराम के. के निर्देशन म जिला के पांचों नगरीय निकाय बलरामपुर, रामानुजगंज, वाड्रफनगर, राजपुर अउ कुसमी म श्री धन्वंतरी जेनेरिक मेडिकल स्टोर संचालित होवत हे। स्टोर म एलोपैथिक, जेनेरिक, सर्जिकल, शिशु आहार, हर्बल प्रोडक्ट समेत सौंदर्य प्रसाधन के सामग्रि उपलब्ध कराए जाथ हे। जिला के धन्वंतरी मेडिकल स्टोर ले अभी तक 49 हजार ले जादा हितग्राही मन ल ए योजना ले लाभ होवत हे। हितग्राहि मन ल लगभग 01 करोड़ 19 लाख 95 हजार एम.आर.पी. के दवई छूट के संग लगभग 58 लाख 30 हजार रूपिया म धन्वंतरी मेडिकल स्टोर कोती ले उपलब्ध कराए गए हे। हितग्राहि मन के एकर ले लगभग 61 लाख 64 हजार ले जादा के बचत होए हे।
दवई के खरचा के चिंता ले मुक्त होए गरीब, मजदूर अउ किसान
राजपुर धन्वंतरी मेडिकल स्टोर म अपन एक बछर के लईका ल लेके दवई लिए आए गांव अलखडीहा के रहवासी श्री मुकेश यादव ह बतइस के ओ ह अपन लईका मन करा अबड़ मया करथे, लेकिन बीमार परते संग महंगा दवई ले देख के लईका मन ब चिंता ह बाड जाथे,अब अइन्हा पर्सानी नई होवत हे। श्री यादव ह शासन ल धन्यवाद देत हुए कहिस कि ए योजना ह गरीब माता-पिता ल लईका मन के बीमारी म लगे वाले दवई के खरचा ले चिंता मुक्त करथे।
त उहें रामानुजगंज वार्ड क्रमांक 13 के निवासी श्रीमती प्रीति सोनी ह बताइस के ओ ह जिला अस्पताल म अपन 06 बछर के बेटी के ईलाज करवाए ब आए रहिस हे। अउ डॉक्टर के लिखे दवई को लेहे ब धन्वंतरी मेडिकल स्टोर पहुंचीस त 205 रूपिया एमआरपी के दवई ओला 102 रूपिया म मिल गईस। एकर ब ओ ह शासन अउ प्रशासन के धन्यवाद करिस।
