जशपुरनगर : जिला म धनवंतरी मेडिकल स्टोर ले मनखे मन ल मिलत हे लाभ

जशपुरनगर, आम नागरिक मन ल बजार म मिलइया महंगा दवईयों के बल्‍दा सस्‍ता अऊ सही दवई के सुविधा देहे खातिर छत्तीसगढ़ शासन कोति ले धन्वंतरी जेनरिक मेडिकल स्टोर चालू करे गए हे जिहां सस्ता कीमत म मिलत गुणवत्ता पूर्ण दवई मन के सीधा लाभ आम जनता ल मिलत हे। जेनेरिक मेडिकल स्टोर म दवइ निजी मेडिकल स्टोर अउ बजार म मिलइया दवा के कीमत के तुलना म 50 प्रतिशत ले घलोक कम कीमत म मिलथे। जेखर से उपभोक्ता मन के दवई म होवइया खरचा म कमी आवत हे।
जिला के 5 नगरीय निकाय नगर पालिका परिषद जशपुर, नगर पंचायत कुनकुरी, कोतबा, बगीचा अऊ पत्थलगांव म धन्वन्तरि मेडिकल स्टोर खुले ले मनखे मन ल सस्ता दाम म दवइ मिलत हे। जिला म संचालित मेडिकल स्टोर म योजना ले अब तक 21452 उपभोक्ता मन ल 29 लाख 36 हजार 843 रुपिया ले जादा के जेनेरिक दवइ बेंचे गए हे जेकर सही मूल्य करीबन 70 लाख 66 हजार 466 रूपिया ले जादा हे।