रायपुर, 7 अकटूबर 2020। मुख्यमंत्री श्री भूपेश बघेल ह 6 अकटूबर के स्वामी आत्मानंद के जयंती म प्रदेश म धरसा विकास योजना शुरू करे के घोषणा करे रहिन तेमा राज्य शासन ह तुरंते अमल शुरू कर देहे हे। ये योजना के क्रियान्वयन बर कई ठन विभाग मन के योजना मन के अभिसरण बर सामान्य प्रशासन विभाग ह तीन विभाग मन के सचिव मन के समिति गठित करे हे। पंचायत अऊ ग्रामीण विकास विभाग के प्रमुख सचिव अऊ लोक निर्माण अऊ राजस्व अऊ आपदा प्रबंधन विभाग ले सचिव ल ये समिति के सदस्य बनाए गए हे। धरसा विकास योजना के तहत गांव मन म खेत-खलिहान तक पहुंचे बर धरसा के कच्चा रस्ता मन ल पक्का बनाए जाही।
विभागीय सचिव मन के तीन सदस्यीय समिति धरसा विकास योजना के क्रियान्वयन बर पंचायत अऊ ग्रामीण विकास विभाग के कई ठन योजना, मनरेगा, लोक निर्माण विभाग अऊ आन विभाग मन के योजना मन के अभिसरण के संबंध म एक हफ्ता के भीतर शासन ल प्रतिवेदन प्रस्तुत करहीं। समिति के पहली बैठक 9 अकटूबर के होही।
