आदिवासी हितग्राही मेहतरीन बाई ल मिलीस बीपीएल राशन कार्ड: धरती आबा अभियान

बालोद, जिला के डौंडीलोहारा विकासखंड के ग्राम भीमकन्हार म धरती आबा जनभागीदारी अभियान के अंतर्गत आयोजित लाभ संतृप्ति शिविर म हितग्राही मन ल तुरते लाभ मिलत हे। ग्राम परसाडीह के रहवया श्रीमती मेहतरीन बाई ल शिविर म बीपीएल राशन कार्ड मिले ले ओ ह अड़बड़ खुस हे। वो ह बताइस के ओ अऊ वोखर पति अड़बड़ दिन ले राशन कार्ड बनवाए के उदीम करत रहिन, फेर सफलता नइ मिल पात रहिस। शिविर म पहुंतेच पंचायत विभाग के अधिकारी मन ह थोरहे समय म उंखर समस्या के समाधान कर दीन।
मेहतरीन ह कहिस के ए शिविर ले ओ मन ल समय अऊ उदीम दुनों के बचत होए हे। उमन प्रधानमंत्री श्री नरेन्द्र मोदी के अगुवइ वाले केंद्र सरकार के ए जनहितैषी पहल ल सहरावत आभार व्यक्त करे हें। शिविर के माध्यम ले जिला के आदिवासी परिवार ल कई ठन योजना मन के लाभ लउहे अऊ सरल प्रक्रिया के माध्यम ले मिलत हे, जेखर से समाज म सकारात्मक बदलाव आत हे।