धरती आबा जनभागीदारी अभियान : आखरी मनखे तक सेवा अऊ सशक्तिकरण के सार्थक प्रयास

बेमेतरा, जिला म 15 जून ले 30 जून 2025 तक धरती आबा जनभागीदारी अभियान के अंतर्गत राष्ट्रव्यापी जागरूकता सह लाभ संतृप्ति शिविर के आयोजन करे जात हे। ये अभियान भारत सरकार कोति ले विशेष रूप ले आदिवासी बहुल क्षेत्र मन म शासकीय योजना मन के पूर्ण संतृप्ति अउ जनजागरूकता के उद्देश्य ले चलाए जात हे। एकर मुख्य उद्देश्य ये हे के आखरी छोर म खड़े मनखे तक शासन के सबो व्यक्तिगत हक (Individual Entitlements) के लाभ बिना कोनो बाधा के पहुंचाए जा सकय।
बेमेतरा जिला म चार प्रमुख आदिवासी बहुल गांव— ग्राम झालम (जनपद बेमेतरा), बुड़ेरा अऊ कोरवाय (जनपद साजा) अउ बोईकछार (जनपद नवागढ़) ल ए अभियान के तहत चिन्हित करे गए हे। इहां ग्राम पंचायत या शासकीय भवन म दू दिन के शिविर के आयोजन करे जात हे।
ग्राम झालम म 16 अउ 17 जून के शिविर संपन्न होइस, जेमां जनजातीय ग्राम उत्कर्ष अभियान के अंतर्गत पूरा जनहित सेवा एके जगा म मुहैया कराए गीस। शिविर म 27 आयुष्मान भारत कार्ड बनाय गीस संगेच 65 आधार कार्ड तियार करे गीस। एखर अलावा 12 राशन कार्ड आवेदन, 18 श्रम कार्ड आवेदन, 5 जाति प्रमाण पत्र, अउर 6 निवास प्रमाण पत्र बर घलोक आवेदन मिलिस।
शिविर म सहायक आयुक्त आदिवासी विकास श्री अभिषेक जायसवाल के निगरानी म विभागीय अधिकारी मन ह उही जगा म कागद सत्यापन करके तुरते सेवा दीन। एकरे संग जनजागरूकता रैली निकाले गीस जे ह गांव वाले मन म योजना मन के प्रति जागरूकता बढ़ाय के काम करिस
अवइया शिविर ग्राम बुड़ेरा (19-20 जून), बोईकछार (23-24 जून), अउ कोरवाय (26-27 जून) म आयोजित करे जाही। ए शिविर मन म लाभार्थी मन के आधार कार्ड, राशन कार्ड, आयुष्मान कार्ड, सिकल सेल स्क्रीनिंग, किसान क्रेडिट कार्ड, पीएम किसान सम्मान निधि, उज्जवला योजना, पेंशन योजना, महिला बाल विकास के योजना, जइसे सुकन्या समृद्धि योजना, बाड़ी विकास, जल जीवन मिशन, प्रधानमंत्री आवास योजना, व्यक्तिगत शौचालय, विद्युत कनेक्शन, कौशल विकास अऊ मुद्रा लोन जइसे बहुआयामी सेवा प्रदान करे जाही।