रायपुर : धरदेई के रीपा म मिनरल वाटर, फर्नीचर, पीनट चिक्की, आर्टिफिशियल ज्वेलरी बनात हे महिला मन

उत्पादित सामग्री के परिवहन ब मिलही ई-रिक्शा
रायपुर, 09 जुलाई 2023
बेमेतरा जिला के धरदेई गौठान म संचालित रीपा के नजारा देख के सुखद एहसास होथे। इहां गांव के महिला अउ पुरूष अपन-अपन आय उपार्जन के गतिविधि म पूरा मनोयोग ले जुटे देखई देत हे। गौठान म संचालित ग्रामीण औद्योगिक पार्क (रीपा) वास्तव म एक सुविधायुक्त औद्योगिक केन्द्र ले रूप ले डारे से। रीपा म महिला मन मिनरल वाटर, पीनट चिक्की, आर्टिफिशियल ज्वेलरी तियार करत हे, उहें दूसर कती फर्नीचर के निर्माण घलो करे जाथ हे।
मुख्यमंत्री श्री भूपेश बघेल के मंशा के अनुरूप ग्रामीण अर्थव्यवस्था ल मजबूती प्रदान करे अउ ग्रामीण मन ल गांव मे ही स्वरोजगार ले जोडे़ के उद्देश्य ले पथरिया विकासखंड अंतर्गत ग्राम धरदेई म महात्मा गॉंधी ग्रामीण औद्योगिक पार्क (रीपा) के स्थापना करे गए हे। कलेक्टर श्री राहुल देव ह बीते दिन म रीपा के आकस्मिक इहां स्व सहायता समूह के महिला अउ पारंपरिक उद्यमि द्वारा उत्पादित जिनिस ले अवलोकन करिस अऊ उत्पादन लागत, विपणन अउ ओकर से होए वाले आमदनी के जानकारी लिस। महिला समूह कती ले तियार पीनट चिक्की ल चिख के गुणवत्ता परखिस अउ सराहना करत हुए अपन ब बीसाईस घलो। समूह के महिला मन ह बताइस कि मार्च महीना ले मिनरल वॉटर के उत्पादन अउ बेचरि करे जाथ हे। अभी तक 48 हजार रुपिया के मिनरल वाटर बेच डारे हे। बजार म एकर बने मांग घलो हे। पाउच मशीन के बिगडे के खबर मिलते ही कलेक्टर ह तुरते ओला बनवा के चालू कराए के निर्देश दिस। 
कलेक्टर ह रीपा म बुता करोइया समूह अउ उद्यमी मन के बने आमदनी होवत हे, एकर ब बेहतर कार्य योजना अउ उत्पादित समान के परिवहन ब ई-रिक्शा घलो उपलब्ध कराए के निर्देश दिस। धरदेई के रीपा म महिला अउ पारंपरिक उद्यमि मन ह फर्नीचर, पीनट चिक्की, आर्टिफिशियल ज्वेलरी जइसे विभिन्न आय मूलक गतिविधि संचालित करे जाथ हे।
Success story
Neha Rathore