धरती आबा जनभागीदारी अभियान : जनजातीय समाज के हितग्राही मन के बर सौगात ले भरे अऊ राहत देवइया होवत हे साबित

आयुष्मान कार्ड, राशन कार्ड, किसान सम्मान निधि, पीएम जनधन अऊ पेंशन योजना मन के मिलीस फायदा
बालोद, केन्द्र सरकार के संग आदिवासी क्षेत्र मन म सेवा अऊ आन बुनियादी ढाँचा ल पूरा करे अऊ ऊंखर व्यक्तिगत अधिकार मन चिंता करत राज्य के कई ठन गांव मन म धरती आबा जनभागीदारी अभियान के अंतर्गत लाभ संतृप्ति शिविर जनजातीय समाज के हितग्राही मन के बर सौगात ले भरे अऊ राहत देवइया साबित होय हे। ए कड़ी म बालोद जिला के जनजातीय समाज के बहुत अकन मनखे जेन कोनो कारन ले शासकीय योजना मन के लाभ लेहे बर जिला अऊ विकासखण्ड मुख्यालय म स्थित शासकीय कार्यालय मन अऊ आन जरूरी जगा मन म नइ जा पात रहिन। अइसन बहुत अकन मनखे मन बर धरती आबा जनभागीदारी अभियान के अंतर्गत आयोजित लाभ संतृप्ति शिविर बहुत लाभप्रद कारगर साबित होय हे।
जिला म आयोजित शिविर मन के माध्यम ले बालोद जिला के आदिवासी वर्ग के बहुत अकन हितग्राही मन ल ऊंखर गांव अऊ आसपास के गांव मन म ही ओ मन ल शासकीय योजना मन ले लाभान्वित कराए के अलावा उंखर जरूरी समस्या मन के निराकरण घलोक ठउका करे गीस। जेखर से आदिवासी वर्ग के मनखे मन अऊ हितग्राही मन ल अपन मांग मन अऊ समस्या मन के निराकरण बर जिला अऊ विकासखण्ड मुख्यालय मन के अलावा शासकीय कार्यालय मन तक आए-जाए के समस्या ले घलोक मुक्ति मिलीस।
एखर अंतर्गत जिला के गुरूर विकासखण्ड के ग्राम बड़भूम अऊ डौण्डी विकासखण्ड के ग्राम मंगलतराई म आयोजित लाभ संतृप्ति शिविर गांव वाले मन अऊ हितग्राही मन बर सौगात ले भरे रहिस। जिला के ए ग्राम मन म आयोजित शिविर मन म आयुष्मान कार्ड, जनधन खाता, राशन कार्ड, पेंशन अऊ किसान सम्मान निधि योजना के सौगात मिले ले आदिवासी वर्ग के हितग्राही बहुततेच प्रसन्नचित होके शिविर के आयोजन के बड़ बड़ई करत हें। हितग्राही मन शासन के धन्यवाद ज्ञापित करत हें। शासन के संग हम आदिवासी मन के सही जरूरत अऊ समस्या मन ल समझत जेन लाभ संतृप्ति शिविर के आयोजन करे गए हे वो बहुत कारगर अऊ काबिले-तारीफ हे।