रायपुर, 07 मार्च 2021। साजा परिक्षेत्र धोबी समाज के वार्षिक अधिवेशन समाज के सामुदायिक भवन साजा म 14 मार्च के होवईया हे। ये आयोजन के मुख्य अतिथि कृषि अऊ जल संसाधन मंत्री श्री रविंद्र चौबे होहीं। धोबी समाज के प्रदेश अध्यक्ष सूरज निर्मलकर के नेतृत्व म आए समाज के प्रतिनिधि मंडल ह मंत्री श्री रविंद्र चौबे ले आज ऊंखर निवास कार्यालय रायपुर म भेंट करके ओ मन ल महाधिवेशन म मुख्य अतिथि के रूप म सामिल होए के नेवता दीन। मंत्री श्री चौबे ह रजक समाज के आमंत्रण ल स्वीकार करे के संगेच ऊंखर आयोजन के सफलता बर अग्रिम शुभकामना दीन। मंत्री श्री रविंद्र चौबे ह ये बेरा म कहिन कि मुख्यमंत्री श्री भूपेश बघेल के नेतृत्व म छत्तीसगढ़ सरकार समाज के सबो वर्ग के भागीदारी सुनिश्चित करत ‘गढ़बो नवा छत्तीसगढ़’ के सपना ल साकार करे म लऊहे आगू बढ़त हे। हमर ये वाले उदीम हे कि छत्तीसगढ़ ल आगू बढ़ाए म सबो मनखे मन के भागीदारी होवय। उमन रजक समाज के मनखे मन के उत्साह अऊ उंखर एकता के सराहना करिन।
ये बेरा म समाज के परिक्षेत्रीय अध्यक्ष सुरेश कन्नौजे, युवा धोबी समाज के प्रादेशिक प्रवक्ता राजेन्द्र निर्मलकर, क्षेत्रीय पदाधिकारी संतोष निर्मलकर, श्यामलाल रजक, होरीलाल कन्नौजे, जिला युवा अध्यक्ष नीरज निर्मलकर, विसहत रजक अऊ आन सामाजिकबंधु उपस्थित रहिन।
धोबी समाज के साजा म 14 मार्च के महाअधिवेशन: कृषि अऊ जल संसाधन मंत्री रविंद्र चौबे ल रजक समाज म दे न्यौता
