डीजल ले भरे टैंकर अनियंत्रित होके पलटिस, ग्रामीण मन म मचिस लूट

Dilip Kumar

कोरबा, 7 अगस्त 2020। पाली थाना क्षेत्र के अंतर्गत डूमरकछार म डीज़ल ले भरे टैंकर अनियंत्रित होके पलटगे। टैंकर पलटत ही एमा भरे डीज़ल सड़क किनारा म फइलगे। इही बीच डीजल पेट्रोल लोड टैंकर पलटे के सूचना म काफी संख्या म ग्रामीण मन बाल्टी, डिब्बा अउ आने साधन लेके टैंकर के पास पहुंचगे अउ गिरत डीजल पेट्रोल ल भरे लगिस। देखते ही देखत उहां पेट्रोल के लूट मचगे। धक्का मुक्की म लोगन अपन जान ल जोखिम म डालत रिहिस। पाली पुलिस ल सूचना करे म 112 के टीम घटना स्थल पहुंचिस। तब तक लोगन मन अपन जान के परवाह करे बिना डीजल पेट्रोल इकट्ठा करे म लगे रिहिस। 112 के टीम ह लोगन मन ल उहां ले भगाइस अउ टैंकर मालिक ल दुर्घटना के सूचना दिस।

लउछरहा..