धान बेंचे खातिर किसान मन ल एग्रीस्टैक पंजीयन कराना जरूरी

छत्तीसगढ़ म लाखों किसान पोर्टल ले जुड़त हें
खेती म डिजिटल क्रांति के दिशा म बड़का कदम
रायपुर, छत्तीसगढ़ सरकार किसान मन के जीवन म तकनीक के माध्यम ले सकारात्मक बदलाव लाय के दिशा म सरलग काम करत हे। इही कड़ी म अब राज्य म एग्रीस्टैक पोर्टल ल तेजी ले लागू करे जात हे। ये पोर्टल किसान मन खातिर एक डिजिटल सार्वजनिक संरचना हे, जेन खेती ले जुड़े सबो प्रमुख जानकारी मन ल एके प्लेटफॉर्म म उपलब्ध कराथे।
का हे एग्रीस्टैक पोर्टल
एग्रीस्टैक एक सुरक्षित डिजिटल सिसटम हे, जेमां किसान के पहिचान, जमीन के रिकॉर्ड, फसल के जानकारी अऊ कृषि संबंधी गतिविधि मनके पूरा विवरण एकीकृत रूप ले दर्ज करे जाथे। ए डेटा के उपयोग किसान के सहमति ले ही साझा करे जाथे, जेखर से ओखर निजी जानकारी पूरा सुरक्षित रइथे।
धान विक्रय खातिर अनिवार्य पंजीयन
ए साल राज्य म सहकारी समिति मन के माध्यम ले धान विक्रय करइया किसान मन खातिर एग्रीस्टैक पोर्टल म पंजीकरण अनिवार्य करे गए हे। ये कदम पारदर्शिता लाय अऊ किसान मन ल योजना मन के लाभ सीधा ऊंखर खाता तक पहुंचाए खातिर उठाए गए हे।
किसान मन ल मिलत हे सीधा लाभ
एग्रीस्टैक पोर्टल के माध्यम ले किसान मन ल अब योजना, सब्सिडि अऊ सहायता राशि के जानकारी सीधा मिलत हे। एखर से न केवल बिचौलिया मन के भूमिका खतम होही, बल्कि लाभ वितरण के प्रक्रिया घलोक तेज होही अऊ पारदर्शिता आही।
पंजीकरण के प्रक्रिया सरल अऊ निःशुल्क
किसान मन खातिर पंजीकरण के प्रक्रिया अड़बड़ सरल हे। किसान अपन आधार कार्ड अऊ किसान पुस्तिका के संग नजदीकी कॉमन सर्विस सेंटर (CSC) या अपन सहकारी सोसायटी म जाके निःशुल्क पंजीकरण करवा सकत हे। पूरा प्रक्रिया कुछ ही मिनट म पूरा हो जाथे अऊ किसान ल तुरंत डिजिटल पहिचान देहे जाथे।
24 लाख ले जादा किसान जुड़ गे हे
राज्यभर म अब तक 24 लाख ले जादा किसान मन ह एग्रीस्टैक पोर्टल ले जुड़के डिजिटल कृषि सेवा के लाभ उठाना शुरू कर देहे हे। सरकार के लक्ष्य हे के अवइया रबी सत्र तक राज्य के सबो पात्र किसान ए प्लेटफॉर्म ले जुड़के लाभ उठाना ठउका करंय।
डिजिटल खेती, समृद्ध किसान
एग्रीस्टैक पोर्टल भविष्य म कृषि योजना मन के रीढ़ साबित होही। एखर से किसान मन के आय बाढ़ही, संगेच खेती ल वैज्ञानिक, योजनाबद्ध बनाए म मदद मिलही।