पढ़ईया लईका मन ल सामाजिक सरोकार ले जुड़े विषय मन उपर शोध करना चाही: राज्यपाल श्री हरिचंदन

रायपुर, 20 फरवरी 2024। राज्यपाल अउ कुलाधिपति श्री विश्वभूषण हरिचंदन के अध्यक्षता म आज इहां पं. रविशंकर विश्वविद्यालय रायपुर के 27वां दीक्षांत समारोह होइस। समारोह म अति विशिष्ट अतिथि उच्‍च शिक्षा मंत्री श्री बृजमोहन अग्रवाल अउ मुख्य अतिथि प्रो.(डॉ.) बुद्ध रश्मि मणि उपस्थित रहिन। दीक्षांत समारोह म प्रख्यात कवि श्री माधव कौशिक ल मानद उपाधि, 45 हजार ले जादा पढ़ईया लईका मन ल स्वर्ण पदक, स्नातक अउ स्नातकोत्तर पी एच डी के डिग्री प्रदान करे गीस। समारोह म कुलपति प्रोफेसर सच्चिदानंद शुक्ला, विश्वविद्यालय के प्रतिवेदन प्रस्तुत करिन। कुल सचिव श्री शैलेंद्र पटेल, विश्वविद्यालय कार्य परिषद के सदस्य, संकाय अध्यक्ष अऊ बड संख्या म विद्यार्थी अउ ऊंखर अभिभावक उपस्थित रहिन।