रायपुर, राज्यपाल सुश्री अनुसुईया उइके ह आज इहां राजभवन म राज्यपाल के सचिव श्री सुरेन्द्र कुमार जायसवाल के लिखे ’’वीआईपी विजिट अऊ सत्कार के आयाम’’ नाम के पुस्तक के विमोचन करिन। राज्यपाल ह कहिन कि वीआईपी आगमन विसय म लिखे ये पुस्तक सही मं सराहनीय हे। ये मां विशिष्ट अतिथि मन के आगमन के तैयारी ले लेके आन व्यवस्था मन के विस्तृत वरनन करे गए हे। श्री जायसवाल ह एखर बर बधाई के पात्र हे।
गौरतलब हे कि ये पुस्तक के लेखक श्री सुरेन्द्र कुमार जायसवाल अभी हाल म राज्यपाल के सचिव के पद म कार्यरत हे। उमन बैचलर ऑफ लाइब्रेरी साईंस, एल.एल.बी., एम.ए. (इतिहास अऊ समाजशास्त्र) तक शिक्षा प्राप्त करे हें। ओ मन 1984 म राज्य प्रशासनिक सेवा म चयन के बाद सबले पहिली शहडोल म डिप्टी कलेक्टर के पद म नियुक्त होइन। उमन भारतीय प्रशासनिक सेवा म पदोन्नति के बाद महासमुंद अऊ जशपुर म कलेक्टर के पद म अपन सेवा देहे हें। एकर पाछू राज्य कृषि विपणन मण्डी बोर्ड अऊ छत्तीसगढ़ राज्य सहकारी विपणन संघ मर्यादित म प्रबंध संचालक अऊ रजिस्ट्रार को-ऑपरेटिव सोसायटी अऊ सामान्य प्रशासन विभाग म विशेष सचिव अऊ आयुक्त-सह-संचालक पंचायत के पद म कार्यरत रहिन। एखर पहिली श्री जायसवाल के ’’राजस्व प्रकरणों म आदेश लेखन’’ स्थानीय स्वशासन म वित्तीय समावेशन अऊ कई ठन अधिनियम मन उपर राजस्व अधिकारी मन के अधिकार अऊ शक्तियां नाम के पुस्तक प्रकाशित होए हे।
ये बेरा म श्री जायसवाल के धर्मपत्नी श्रीमती रमा जायसवाल अऊ उंखर पुत्री सुश्री अपराजिता जायसवाल, राज्यपाल के परिसहाय द्वय श्री अनंत श्रीवास्तव, श्री भोजराज पटेल, संचालक संपदा श्री जागेश्वर कौशल, राजभवन के नियंत्रक श्री हरवंश मिरी, पूर्व नियंत्रक श्री सुरेश अग्रवाल, पुस्तक के प्रकाशक श्री सुधीर शर्मा संग राजभवन के अधिकारी-कर्मचारी उपस्थित रहिन।
