- बस्तर वासी मन ल मिलही जगदलपुर ले हैदराबाद अऊ रायपुर बर सीधा विमान सेवा के सौगात
- कलेक्टर अऊ एसपी ह लीन तैयारी मन के जायजा
जगदलपुर, 16 सितम्बर 2020। मुख्यमंत्री श्री भूपेश बघेल 21 सितम्बर के वीडियो कॉन्फ्रेंसिंग माध्यम ले आरसीएस स्कीम के तहत जगदलपुर ले हैदराबाद अऊ रायपुर बर नवा उड़ान सेवा के शुभारंभ करहीं। ये बेरा म मुख्यमंत्री श्री भूपेश बघेल वीडियो कॉन्फ्रेंसिंग के माध्यम ले यात्री मन ले बातचीत घलोक करहीं। जिला प्रशासन के विशेष उदीम ले शुरू होत ये नवा विमान सेवा ले बस्तर वासी मन ल अब जगदलपुर ले हैदराबाद अऊ रायपुर बर सीधा विमान सेवा के सौगात मिलही। जिला प्रशासन कोति ले ये महत्वपूर्ण क्षण ल यादगार अऊ सफल बनाए बर व्यापक तैयारी करे जात हे। कलेक्टर श्री रजत बंसल ये काम के सरलग मानीटरिंग करत हें। आज 16 सितम्बर के ओ मन पुलिस अधीक्षक श्री दीपक झा अऊ अपर कलेक्टर श्री अरविंद एक्का के संग एयरपोर्ट पहुंचके तैयारी मन के जायजा लीन।