मुख्यमंत्री श्री विष्णु देव साय ले हार्टफुलनेस संस्थान के डायरेक्टर श्री चावला ह करिन सौजन्य भेंट

रायपुर, मुख्यमंत्री श्री विष्णुदेव साय ले राजधानी रायपुर स्थित मंत्रालय महानदी भवन म हार्टफुलनेस संस्थान के डायरेक्टर श्री त्रिलोचन चावला ह सौजन्य भेंट करिन। श्री चावला ह मुख्यमंत्री श्री साय ल संस्थान कोति ले हैदराबाद स्थित हार्टफुलनेस मुख्यालय आए के नेवता दीन।
ए बेरा म श्री चावला ह मुख्यमंत्री ल हार्टफुलनेस संस्थान के प्रमुख श्री कमलेश डी. पटेल ‘दाजी’ कोति ले जैन तीर्थंकर मन उपर लिखे पुस्तक भेंट करिन। संगेच उमन मुख्यमंत्री ल हार्टफुलनेस संस्थान कोति ले दुर्ग जिला के अमलेश्वर स्थित हार्टफुलनेस योग आश्रम संग छत्तीसगढ़ म संचालित आध्यात्मिक अऊ सामाजिक गतिविधि मन के परखर जानकारी दीन।
मुख्यमंत्री श्री विष्णुदेव साय ह श्री चावला ल हार्टफुलनेस मुख्यालय हैदराबाद आमंत्रण खातिर धन्यवाद दीन अऊ संस्थान के आध्यात्मिक अऊ सामाजिक काम मन खातिर शुभकामना दीन।