जलजीवन मिशन संचालक श्री एस. प्रकाश ह इंटकवेल के करिन अवलोकन
दुर्ग, 21 मई 2021। लोक स्वास्थ्य यांत्रिकी मंत्री गुरू रूद्रकुमार के मार्गदर्शन म ग्रामीण अंचल मन म शुद्ध पेयजल व्यवस्था के सुदृढ़ीकरण करे जात हे। मुख्यमंत्री श्री भूपेश बघेल के मंशानुरूप राज्य के ग्रामीण अंचल मन म बेहतर पेयजल व्यवस्था बर हर संभव प्रयास करे जात हे। इही कड़ी म दुर्ग जिला के अमलेश्वर संग निकटवर्ती 17 गाँव मन ल लउहे समूह नलजल योजना ले शुद्ध जल मिलही। एखर बर इंटकवेल आदि बर साइट फाइनल कर लेहे गए हे। जलजीवन मिशन के संचालक श्री एस. प्रकाश ह आज साइट के अवलोकन करिन। उमन साइट देखिन अऊ सरपंच अऊ जनप्रतिनिधि मन ले परखर गोठ बात करिन। श्री प्रकाश ह कहिन के लउहेच ए गांव मन म इंटकवेल अऊ पाइपलाइन आदि बिछाए के काम शुरू हो जाही। एखर माध्यम ले नदी के जल ल पूरा शुद्ध करके मनखे मन के घर तक पहुँचाए जाही। ये काम जलजीवन मिशन के माध्यम ले होना हे। मिशन के उद्देश्य शुद्ध पेयजल के संगेच जरूरत के भरपूर मात्रा म उपलब्धता ठउका करना हे।
समूह नलजल योजना ले 17 गांव होही लाभान्वित
