रायपुर, मुख्यमंत्री श्री विष्णु देव साय ले इहां ऊंखर निवास कार्यालय म ट्रिपल आई टी नवा रायपुर के निदेशक प्रोफेसर ओमप्रकाश व्यास ह सौजन्य मुलाकात करिन।
मुख्यमंत्री श्री साय ह ‘आदि वाणी’ परियोजना के अंतर्गत गोंडी भाखा अनुवादक मोबाइल ऐप के सफल लॉन्च म प्रोफेसर व्यास अऊ उंखर टीम ल हार्दिक बधाई अऊ शुभकामना दीन। उमन कहिन के ये उपलब्धि छत्तीसगढ़ संग पूरा देश बर गौरव के विसय हे।
मुख्यमंत्री श्री साय ह कहिन के ए ऐप के माध्यम ले गोंडी बोलइया जनजातीय भाई-बहिनी मन के आवाज़ राष्ट्रीय संग अंतरराष्ट्रीय स्तर तक पहुँचही। ये तकनीक ओ मन ल मुख्यधारा ले जोड़े, शिक्षा अऊ शासन-प्रशासन म उंखर भागीदारी ठउका करे के सशक्त माध्यम बनही। उमन आशा व्यक्त करिन के ट्रिपल आई टी नवा रायपुर भविष्य म घलोक इही प्रकार के नवाचार अऊ समाजोन्मुखी अनुसंधान ले प्रदेश अऊ देश के गौरव बढ़ाही।
मुख्यमंत्री ले ट्रिपल आई टी नवा रायपुर के निदेशक प्रोफेसर ओमप्रकाश व्यास ह करिन सौजन्य मुलाकात
