जांजगीर-चांपा: कलेक्टर ह दीन दिव्यांगता प्रमाण पत्र त लइका मन के चेहरा म आईस मुस्कान

जांजगीर-चांपा, 16 फरवरी 2024। कलेक्टर श्री आकाश छिकारा ह जिला के पामगढ़ विकासखंड के सामुदायिक स्वास्थ्य केंद्र म समाज कल्याण विभाग, स्वास्थ्य विभाग, स्कूल शिक्षा विभाग के संघरा शिविर म स्कूली छात्र छात्रा मन के दिव्यांगता जांच शिविर के जायजा लीन। ए बेरा म उमन दिव्यांग लइका मन ल दिव्यांगता प्रमाण पत्र, उपकरण, व्हीलचेयर बाटिंन। जेन ल पाके लइका मन के चेहरा म मुस्कान आ गीस। उमन शिविर के अन्तर्गत दिव्यांगजन के दिव्यांगता प्रमाण पत्र, यूडीआईडी कार्ड पंजीयन बर अउ ब्लॉक स्तरीय मेगा दिव्यांग शिविर के माध्यम ले शत प्रतिशत स्कूली पढ़ईया लईका मन के प्रमाणपत्र बनाए के निर्देश संबंधित अधिकारी मन ल दीन। शिविर म 169 आवेदन प्राप्त होइस। ये मां पात्रतानुसार स्कूल पढ़ईया लईका मन के प्रमाणीकरण करत प्रमाण पत्र के वितरण करे गीस। एखर संग यूडीआईडी पंजीयन घलो करे गीस।